ئالا سیمبۆل و هێمایێ هەر نەتەوە یان نیشتیمان یان کۆمەکا مرۆڤانە، ڤێجا چ یا نەتەوە یان حزبەکێ یان یا جڤاتەکێ بیت.
ئالایێ کوردستانێ هێمایێ پرانیا گەلێ کوردستانێ و ب دروستی ژی ئالایێ ئێکانەیە کو د سەردەمێن جیاوازدا ل هەرچوارپارچێن کوردستانێ وەکو ناسنامە و هێما بۆ گەلێ کوردستانێ هاتیە بکارئینان.
سوتنا بارەگایێ پارتی ل بەغدا و د هەمان دەمدا سوتنا ئالایێ کوردستانێ، بریندارکرنا دلێ هەر نیشتیمانپەروەرەکێ و سڤکاتیکرن ب هەر کوردستانیەکێیە، ب توندی ڤێ کریارا شوفینیانەیا گرۆپێن هوڤ و دەرڤەی یاسای پرۆتەستۆ دکەین. ئەڤ کریارە پەیوەندیێن دوستایەتیێ و پێکڤەژیانێ رۆژ بۆ رۆژێ لاوازتر و باوەری و متمانێ د ناڤبەرا گەلاندا لاوازتر دکەت. داخوازێ دکەین ب زووترین دەم ئەو کەس و لایەنێن دەست د ڤێ کریارا نابەرپرسانەدا هەی بهێنە ئاشکراکرن و بگەهنە سزایێ یاسایی.
