ئه‌ڤرۆ سپێدێ 18-11-2020 به‌رێز د.على ته‌ته‌ر پارێزگه‌رێ دهۆكێ پێشوازیا (ئه‌دهه‌م اسماعیل ) به‌رپرسێ رێكخراوا ساخله‌میا جیهانى (WHO) ل عیراقێ وشاندێ دگه‌لدا كر.
دهه‌ڤدیتنه‌كێدا ب ئاماده‌بونا د.نزار عصمت رێڤه‌به‌رێ گشتى یێ ساخله‌میێ ل پارێزگه‌ها دهۆكێ به‌حسێ ره‌وشا ته‌ندورستى وهه‌وێن خو پارێزیێ یێن هه‌ڤپشك دناڤبه‌را ساخله‌میا جیهانى وته‌ندورستیا پارێزگه‌هێ ژبو كێمكرنا كارتێكرنا ڤایروسێ كرونا ل سه‌ر هاولاتیان هاته كرن.
به‌رپرسێ رێكخراوا ساخله‌میا جیهانى (WHO) ل عیراقێ په‌سنا رولێ سازیێن ته‌ندورستى ل هه‌رێما كوردستانێ كر وئه‌و رێكارێن گرتینه به‌ر بو كێمكرنا به‌ڵاڤبونا ڤایروسێ كورونا ودیاركر كو رێكارێن خو پارێزیێ بوینه هوكار كو به‌لاڤبونا ڤایروسێ كورنا ل پارێزگه‌هێ كێمتر لێ هاتیه هه‌روه‌سا رێژا مرنێ ژى كێمبویه وئه‌ڤ ئه‌نجامه جهێ خوشحالیا مه نه وه‌كو رێكخراوا (WHO) وخواست كو خه‌لكێ ده‌ڤه‌رێ پتر پێگریێ ب رێنمایێن خو پارێزیێ بكه‌ت ب تایبه‌تى ل وه‌رزێ زڤستانێ وبه‌رهه‌ڤیا رێكخراوێ دیاركر بو هه‌ر هاریكاریه‌كێ .
پارێزگه‌رێ دهۆكێ سوپاسیا رێكخراوا ساخله‌میا جیهانى (WHO) ل عیراقێ كر ل دور ئه‌و خزمه‌تكاریێن مروڤایه‌تى ئه‌وێن پێشكێشدكه‌ن وخواست كو ئاستێ هاریكاریێن ته‌ندورستى پتر لێ بكه‌ن وبه‌رهه‌ڤیا پارێزگه‌هێ نیشان دا بو هه‌ر هه‌ڤكاریه‌كێ بو وێ یه‌كێ به‌رنامێن رێكخراوێ باشتر بهێنه ئه‌نجامدان.
