ئەڤرۆ ئێڤارى رۆژا دووشەمبى 9/گولانا /2023 ێ ب چاڤدێریا بەرێز د.عەلى تەتەر پارێزگارێ دهۆکێ وچەند رێڤەبەرێن فەرمانگەهێن پەیوەندیدار رێکەفتنا دەستەخوشکایەتیێ دناڤبەرا پارێزگەها دهۆکێ وسەروکاتیا باژێرڤانیا رەیدن یا هولەندى هاتە واژوکرن .
پارێزگارێ دهۆکێ دکونگرەکێ رۆژنامەڤانیدا بناڤێ خو وکارگێریا پارێزگەهێ وخەلکێ دەڤەرێ سوپاسیا سەروکاتیا باژێرڤانیا رەیدن یا هولەندى کر بو واژوکرنا رێکەفتنا دەستەخوشکاتیێ دگەل پارێزگەها دهۆکێ وهیڤى خاستن کو دچارچوڤێ ڤێ رێکەفتنێ دا پتر خزمەت بهێتە پێشکێشکرن و پەیوەندیێن هەردوو لا پتر گەشەکرنێ بخوڤە ببینن.
هەروەسا سوپاسیا هەموو لایەنێن پەیوەندیدار یێن پارێزگەها دهۆکێ و یێن هولەندى کر نەخاسمە بزاڤێن رێکخراوا (VNG) یا هولەندى بو واژوکرنا رێکەفتنێ .
ژلایێ خوڤە سەروکێ باژێرڤانیا رەیدن خوشحالیا خو ب رێکەفتنێ دیارکر وگوت: بو من شەرەفەکا مەزنە کو ئەم ب هەڤرە دگەل پارێزگارێ دهۆکێ خەباتێ بکەین وکارێن باش بو پارێزگەها دهۆکێ ئەنجامدەین.
