نیڤرویا روژا 4/6/2015 به‌رێز نێچیرڤان بارزانی سه‌روكێ جڤاتا وه‌زیرێن 
هه‌رێما كوردستانێ دگه‌ل هژماره‌كا فه‌رمانده و پله‌دارو به‌رپرسێن له‌شكری و پێشمه‌رگێ خو به‌خش ل میحوه‌رێن به‌ره‌یێن شه‌رێ دژی تیروستێن داعش ل ههردوو پارێزگه‌هێن دهوك و میسل كومبو ,
دكومبونێ دا فه‌رماندێن پێشمه‌رگه‌ی ب تێرو ته‌سه‌لی به‌حسێ ره‌وش و سه‌روبه‌رێ نوكه یێ به‌ره‌یێن شه‌ری و روی ب روی بونا تیرورستێن داعش كر و دیار كو پێشمه‌رگه ب وره‌یه‌كا به‌رز هه‌مبه‌ر تیرورستێن داعش به‌ره‌ڤانیێ دكه‌ن و به‌رده‌وام تیرورستێن داعش به‌ره‌ف پاشڤه دبه‌ن و گورزێن مه‌زن ل تیرورستان دده‌ن ,
فه‌رماندێن له‌شكری یێن پێشمه‌رگه‌ی سوپاسیا كارگێریا پارێزگه‌ها دهوكێ و سه‌رمایه‌دار و خه‌لكێ پارێزگه‌هێ كر كو به‌روام هاریكارو پشته‌ڤانێن وان بوینه
هه‌روه‌سا به‌حسێ هاریكاری و هه‌فكاریا هێزین هه‌فپه‌یمانێن نێڤ ده‌وله‌تی یا دژی داعش دگه‌ل پێشمه‌رگه‌ی هاته كرن بو لێدانا مولگه‌و بنگه‌هێن داعش ب رێكا فروكێن هه‌فپه‌یمانا و ژبوب اشتر كرنا ره‌وشا به‌روكێن شه‌ری هژماره‌كا داخازیان ژبه‌ریز سه‌روكێ جڤاتا وه‌زیرێن هه‌رێما كوردستانێ كر ,
ژلایێ خوڤه به‌رێز نێچیرڤان بارزانی سه‌روكێ جڤاتا وه‌زیرێن هه‌رێما كوردستانێ
ده‌ست خوشی ل پێشمه‌رگێ قاره‌مان كر و سه‌ره‌خوشی ل مالباتێن وان پێشمه‌رگا كر یێن گیانێ خو كریه قوربانی پاراستنا ده‌سته‌فتان و خه‌لكێ كوردستانێ
دلایه‌كێ دیێ هه‌ڤدیتنێ دا سه‌روكێ جڤاتا وه‌زیرێن هه‌رێما كوردستانێ ب تێرو ته‌سه‌لی به‌حسێ گرنگیا رولێ پێشمه‌ركه‌یێ كوردستانێ ل شه‌رێ دژی داعش و پاراستنا بێ جوداهی یا هه‌می ده‌ڤه‌رێن كوردستانێ كو روی ب روی شه‌رێ داعش بوینه و دیار كر كو كومه‌لگه‌ها نێڤ ده‌وله‌تی ب چاڤێ رێزو ته‌قدیرێ ته‌ماشه‌ی رولێ پێشمه‌رگه‌ی دپاراستنا ده‌ڤه‌رێ و هه‌می پێكهاتێن وێ یێن ئاینی و نه‌ته‌وایه‌تی دكه‌ت ,,
دیسان گوت : حكومه‌تا هه‌رێمێ دبزاڤێن به‌رده‌وام دایه ب رێكا حكومه‌تا ئێراقێ و كومه‌لگه‌ها نێف ده‌وله‌تی هه‌می پێدڤیێن پێشمه‌رگه‌ی دابین بكه‌ت داكو باشتر به‌رسینگی تیرورستان بگرن و تیك بشكێنن
