ئه‌ڤرۆ نیڤرو رۆژا چارشه‌مبى 2022/11/16 به‌رێز د.له‌تیف ره‌شید سه‌روك كومارێ عیراقێ سه‌را پارێزگه‌ها دهۆكێ دا ول كوچكا مێهڤانداریا پێشوازى ژلایێ به‌رێزان سه‌فین دزه‌یى نونه‌رێ سه‌روكێ هه‌رێمێ ونونه‌رێ سه‌روكێ حكومه‌تا كوردستانێ وئیڤان فایق جابرو وه‌زیرا كوچ وكوچبه‌رێن عیراقێ و د.عه‌لى ته‌ته‌ر پارێزگارێ دهۆكێ وفه‌هیم عبدالله سه‌روكێ جڤاتا پارێزگه‌ها دهۆكێ وده‌ڤه‌ردارێن پارێزگه‌هێ ورێڤه‌به‌رێن فه‌رمانگه‌هێن میرى پێشوازى لێ هاته كرن.
درونشتنه‌كێدا به‌حسێ ره‌وشا عیراقێ وكوردستانێ وپارێزگه‌ها دهۆكێ وره‌وشا ئاواره وپه‌نابه‌ران ل ناڤ وده‌رڤه‌ى كه‌مپان ل سنورێ پارێزگه‌ها دهۆكێ وئه‌و خزمه‌تا بو دهێته كرن ب گشتى هاته كرن.
پاش سه‌روك كومارێ عیراقێ وشاندێ دگه‌لدا سه‌را كه‌مپا شاریا یا ئاوارێن شنگالێ دا ژلایێ رێڤه‌به‌رێ كوچ وكوچبه‌ران وبه‌رپرسی ونونه‌رێن كه‌مپێ پێشوازى لێ هاته كرن..
دكومبونه‌كێدا دگه‌ل رێڤه‌به‌رێ كوچ وكوچبه‌ران وبه‌رسڤ دانا قه‌یرانان ونونه‌رێن كه‌مپا شاریا به‌حسێ ره‌وشا ئاواران ل كه‌مپێن پارێزگه‌هێ وئه‌و هاریكاریێن بو دهێنه پێشكێشكرن وئاریشه وپێدڤیێن ئاواره‌یان ب گشتى هاته كرن.
