پشتی كارێ چێكرنا كارتا نیشتمامی ل سنورێ قه‌زا دهوكێ ئه‌ڤه نێزیكی هه‌شت هه‌یڤانه ده‌ست پێكر و سه‌ركه‌فتیانه برێڤه دچیت بریاره سوبه‌هی 12/3/2017 ل سنورێ قه‌زا ئامێدیێ ده‌ست ب چێكرنا ڤێ كارتا نیشتمانی بهێته كرن بو ئاكنجیێن سنورێ قه‌زایێ.
دداخویانیه‌كێ دا بو روژناما ئه‌ڤرو (عه‌قیدێ مافپه‌روه‌ر عه‌بدولا محه‌مه‌د سه‌لیم ) دیار كر كو ئه‌ڤرو سپێدێ 12/3/2017 ب ئاماده‌بونا قایمقامێ ئامێدیێ وه‌كو نوێنه‌رێ پارێزگه‌رێ دهوكێ و هژماره‌كا به‌رپرسێن ده‌ڤه‌رێ و كه‌س و كارێن شه‌هیدان دێ فه‌رمانگه‌ها كارتا نیشتمانی ل ئامێدیێ هێته ڤه‌كرن و هه‌می به‌رهه‌ڤیێن كاری پێش وه‌خت بو هاتینه كرن و تومارێن ئامێدیێ و كانی ماسی یێن سالا 1957 كو دبنه نێزیكی 100 تومارا هاتینه سكه‌نه‌ر كرن و ره‌وانه كرن بو به‌غدا داكو ل بنگه‌هێ كومكرن و چاپكرنا زانیاریێن كارتا نیشتمانی بهێنه توماركرن و كارت ل وێرێ بهێته چاپكرن.
ده‌رباره‌ی كارێ سیسته‌می : دیار كركو ئه‌نترنێت ب هه‌فكاریا نه‌وروز تیلیكوم هاتیه دابینكرن و كاره‌ب ژی ب رێكا مولیدێن باش هاتیه دابینكرن كو دڤیت 24 ده‌مژمێرا هه‌بیت.
هه‌روه‌سا دیار كر كو روژانه دنافبه‌را 80 تا 100 معامله دێ هێنه چێكرن و ئه‌ف كارته ل دیف یاسا ژماره 3 یا سالا 2016 ێ كو یاسا كارتا نیشتمانیه دێ هێته چێكرن و ئه‌ف كارته ل سه‌رانسه‌ری ئێراقێ نوكه دهێته چێكرن و شوینا 3 به‌لگه‌نامایه وه‌كو ره‌گه‌زناما عێراقی و ناسناما بارێ شارستانی و كارتا زانیاریان.
هه‌روه‌سا عه‌قید عه‌بدولا دیار كر كو ل روژا 15 / 3 / 2017 ل ناحیا زاویته ژی بنگه‌هێ چێكرنا كارتا نیشتمانی هێته ڤه‌كرن و دیڤدا به‌ری هاتنا هه‌یڤا 4 ل قه‌زا زاخو و ئاكرێ ژی بنگه‌هێن چێكرنا كارتا نیشتمانی هێنه ڤه‌كرن.
دهوك، ئه‌كره‌م ئیبراهیم:
