ئەڤرۆ رۆژا شەمبی رێکەفتی٢٠٢١/٩/١١ بەرێز “د.عەلی تەتەر” پارێزگارێ دهۆکێ دگەل پارێزگارێن هەولێر، سلێمانی و هەلەبجە دگەل بەرێز “مستەفا کازمی” سەروک وەزیرێن عیراقێ و ب بەرهەڤبوونا بەرێز “فوئاد حسێن” کۆمبوون.
دکۆمبوونێدا دانوستاندن ل دور رەوشا پرۆژێن خزمەتگۆزاری و پێدڤیێن هاولاتیان هاتەکرن، دکۆمبوونێدا دانوستان لسەر ڤان بابەتان هاتەکرن:
-دابینکرنا نەفتا سپی بۆ پارێزگەهێن هەرێما کوردستانێ ژلایێ حکۆمەتا فیدرالی ڤە.
– خەرجکرنا بۆدجا پەرەپێدانێ بۆ پارێزگەهێن هەرێما کوردستانێ.
-رەخساندنا دەلیڤێن یەکسان و زەمینەیەکا گۆنجایی بۆ هەمی کاندیدێن جڤاتا نۆینەرێن عیراقێ دهەوا بانگەشەیا هەلبژارتنان دا ب تایبەتی ل دەڤەرێن کوردستانی یێن دەرڤەیی ئیدارا هەرێما کوردستانێ.
– بۆدجا پێدڤی بۆ هێزێن نافخۆ و یەکێن کارگێری ل هەرێما کوردستانێ بۆ ب رێڤەبرنا ئەرکێن خۆ هەتا ب دوماهی هاتنا هەوا بانگەشە هەلبژارتنان و راگەهاندنا ئەنجامێن جڤاتا نۆینەرێن عیراقێ.
