ئەڤرۆ رۆژا ئەینی دچوارچووڤێ سەرەدانا شاندێ پارێزگەها دهۆکێ بۆ کۆمارا ئەلمانیا فیدرال ب سەرۆکاتیا بەرێز “ د.عەلی تەتەر “ پارێزگارێ دهۆکێ سەرەدانا بارەگایێ رێکخراوا نیڤدەولەتی UNHCR ل بەرلینا پایتەختدا، ژلایێ بەرێز “رولاند بانک” رێڤەبەێ گشتی یێ رێکخراوێ ل ئەلمانیا هاتنە پێشوازیکرن. درۆنشتنێدا ل دور خزمەتێن رێکخراوێ دبیاڤێ جڤاکی، پەروەردەی، ئافرەت و زارۆک و خێزان و پاراستنا کاروبارێن جڤاکی دانوستاندن هاتەکرن. لدویڤدا ل دۆر رەوشا مرۆڤی و خزمەتێن بۆ ئاوارەوپەنابەران دهێنەکرن بیروبوچون پێک گۆهارتن. پارێزگارێ دهۆکێ سۆپاسیا رۆلێ رێکخراوا ناڤبری کر دهاریکاریا هەرێما کوردستانێ و پارێزگەها دهۆکێدا لۆگویێ سۆپاسی و رێزلێنانێ یێ پارێزگەها دهۆکێ پێشکێشی رێڤەبەرێ گشتی یێ رێکخراوێ کر.
