ئەڤرۆ رۆژا دووشەمبی رێکەفتی ١٢ی ئەیلۆلا ٢٠٢٢ێ ب سەرۆکاتیا بەرێز “د.عەلی تەتەر” پارێزگارێ دهۆکێ، شاندێ پارێزگەها دهۆکێ سەرەدانا وەزارەتا کاروبارێن جڤاکی کو کاروبارێن زارۆک و گەنج و خێزانێ و هەروەسا کوچ و کوچبەران ب رێڤەدبەت کر و ژلایێ خانم “ جوزیفین پۆل” وەزیرا نوو یا وەزارەتا ناڤبری ل بارەگایێ وەزارەتێ هاتنە پێشوازیکرن.
دهەڤدیتنێدا ل پایتەختێ هەرێما باکۆرێ ئاڤا راین دوسلدورف شاندێ پارێزگەهێ پیرۆزباهی گەهاندنە وەزیرا نوو و داخازا سەرکەفتنێ بۆ خواست و هەروەسا سلاڤورێزێن بەرێز سەرۆکێ حکۆمەتا هەرێما کوردستانێ ب وەزیرا ناڤبری گەهاندن، پاشان باس ل هەماهەنگی و پشتەڤانیا وان بۆ رەوشا مرۆڤی و ئاوارە و پەنابەران هاتەکرن.
وەزیرا نوویا ئەلمانی بخێرهاتنا شاندێ پارێزگەها دهۆکێ کر و باس ل رۆلێ پارێزگەهێ درێڤەبرنا کەمپێن ئاوارەوپەنابەران کر و ب گرنگ و دیرۆکی وەسفکر. هەر دهەڤدیتنێدا دۆپاتی ل بەردەوامیا پەیوەندیان و هەماهەنگیا زێدەتر هاتەکرن.
