ئەڤرۆ ئێڤاریا رۆژا چارشەمبی رێکەفتی ٣ی تەباخا ٢٠٢٢ێ شاندەکێ جڤاتا وەزیرێن حکومەتێ کو پێکدهات ژبەرێزان “شەعبان شەعبان” رێڤەبەرێ نڤیسینگەها رێزدار “مەسرور بارزانی” سەرۆکێ حکۆمەتا هەرێما کوردستانێ” و “د.ئومێد سەباح” سەرۆکێ دیوانا سەرۆکاتیا هەرێما کوردستانێ و رێڤەبەرێن گشتی یێن سەرۆکاتیا دیوانا جڤاتا وەزیران سەرەدانا پارێزگەها دهۆکێ کر و ژلایێ بەرێزان “د.عەلی تەتەر” پارێزگارێ دهۆکێ و “فەهیم عەبدولا حەمو” سەرۆکێ جڤاتا پارێزگەها دهۆکێ و جێگرا سەرۆکێ جڤاتا هاتنە پێشوازیکرن.
پاشان دکۆمبوونەکێدا دگەل رێڤەبەرێن گشتی و دەڤەردارێن پارێزگەهێ و رێڤەبەرێن ناوچەداریان کۆمبوون.
دکۆمبوونێدا بەحس ل پەیاما سەرۆکێ حکۆمەتا هەرێما کوردستانێ بۆ ئەنجامدانا چاکسازیێ و بجهئینانا یاسا چاکسازیێ و چاکسازیا کارگێری و هەمەجۆرکرنا داهاتی و دیڤچوونا پرۆژان و کێمکرنا روتینێ و شۆرکرنا دەستهەلاتان و خزمەتکرنا هاولاتیان هاتەکرن.
هەروەسا گۆهداریا پێشنیار و تێبینان بۆ کێمکرنا روتینێ و پتر خزمەتکرنا هاولاتیان دچوارچووڤێ بەرنامێ سەرۆکێ حکۆمەتێ و ستراتیژیەتا حکۆمەتا هەرێما کوردستانێ هاتەکرن.
