حكومهتا ههرێما كوردستانێ ژبو نههێلا دو موچهیی و موچهخورێن بندیوار ل دیماهیا سالا بوری دهست ب تومار كرنا بایو مهتری كر بو موچهخور و فهمانبهرێن ههرێما كوردستانێ و پروسه سهركهفتیانه برێڤه دچیت بیێ ئاستهنگ ,,
دداخویانیهكێ دا ئهندازیار فهرسهت حسێن بهرپرسێ ژورا عهمهلیاتێن تومار كرنا بایومهتری ل پارێزگهها دهوكێ بو روژناما ئهڤرو دیار كر كو قوناغا ئێكێ یا تومار كرنا بایومهتری بو فهرمانبهر و موچهخورێن ههرێما كهردستانێ ل روژا 15/5/2017 دێ بدیماهیك هێت و ههر كهسێ تا وێ روژێ قهستا بهنكێن پارێزگههێ نهكهت ژ هێزێن پێشمهرگهی و ئێمناهیێ ماف نامینیت خو تومار بكهت ژبهر كو پێشمهرگه ئهركهكێ پیروز ئهنجام ددهت و بو هندێ داكو دهلیڤه پێتر ههبیت بو تومار كرنێ روژا شهمبی بریار هاتیه دان 8 بهنك دڤهكری بن بو تومار كرنا پێشمهرگهی ئهژی بهنكێن ل باژێرێ دهوك ئامهد و داسنیا و مهتین و ل زاخو بهنكا هیزل و ل ئامێدیێ بهنكا شێلادزی ول ئاكرێ پیرس و ل شێخان بهنكا شێخانو ل سێمێلێ بهنكا دومیز ئهف ههشت بهنكه دێ دڤهكری بن بو پێشوازی كرنا پێشمهرگهی ل روژا شهمبی 13/5/2017 و پشتی 15 /5 ئامیرێن تومار كرنا بایومهتری ل بهنكا نامینن ,
ددرهبارهی وان خانشین و فهرمانبهرێن تا نوكه نههاتینه تومار كرن ..ئهندازیار فهرسهت گوت : ئهڤێن مایین ناڤێن وان بو وهزارهتێن وان هاتیه رهوانه كرن ههردهمێ ناڤێن وان ژ وهزارهتێن وان هاتن و ئانههیا خودێ ئهم چاڤهرێنه ههفتیا بهێت ناڤ ههمی بگههن و پشتی 15 /5/ دێ 5 ئامیرێن تومار كرنا بایومهتری ل پارێزگههێ مینن بو وان فهرمانبهرا یێنرازهمهندی بو دهیت وماین نههاتینه تومار كرن ,
ددهربارهی قوناغا دویێ یا بایومهتریێ بهرپرسێ ژورا عهمهلیاتێن بایومهتری ل دهوكێ گوت : ل ههیڤا 8/ 2017 موچێ فهرمانبهرا دێ ب سیستهمێ بایومهتریێ ڤه هێته گرێدان یانكو ههر كهسێ خو ل بایومهتریێ تومار نهكربیت ژ ههیڤا 8 وێڤه نهشێت موچهی وهرگریت ژبهر هندێ نوكه خشتێ بایوهمهتری یێ موچهی دهێته بهلاف كرن ل سهر ههمی یهكهیێن ژمێریاری كو دماوێ 15 روژا رێڤهبهری پر كهن و بو ژورا عهمهلیاتێن بایومهتریێ زڤرینن و ئهم دێ وی خشتهی ب سیستهمی ڤه گرێدهین و ئهو بتنێ دێ هێنه خهرج كرن ,
ددهربارهی رێژا تومار كرنێ ئهندازیار فهرسهت گوت : تا نوكه فهرمانبهرا ل پارێزگهها دهوكێ ب رێژا پێتر ژ 98% خو تومار كریه و پێشمهرگهی تا نوكه پێتر ژ 85% تومار بوینه یێن مایی ژی دڤان چهند روژێن مای دێ هێنه تومار كرن …
