ئه‌ڤرو سپێدێ 22-8-2015ول
دویڤ راسپاردێن به‌رێز پارێزگه‌رێ دهوكێ كومبونه‌كا ڤه‌كری ب ئاماده‌بونا به‌رێزان فه‌واز محمد رێڤه‌به‌رێ په‌یوه‌ندی وراگه‌هاندنێ و(جاسم محمد كه‌نوش) رێڤه‌به‌رێ ناحیا ره‌بیعه وحه‌مود حسێن ئه‌ندامێ جڤاتا ناحیا ره‌بیعه وژماره‌كا رێكخراوێن (UN)و(NGO) هاته ئه‌نجامدان.. .
دكومبونێدا لبه‌راهیێ رێڤه‌به‌رێ په‌یوه‌ندی وراگه‌هاندنێ دیاركر كو ئه‌ڤ كومبونه ل دوڤ راسپاردێن جه‌نابێ پارێزگه‌رێ دهوكێ هاتیه رێكخستن بو وێ یه‌كێ پێدڤیێن ده‌ڤه‌را ناحیا ره‌بیعه بگه‌هینه رێكخروێن مروڤایه‌تی ویادشیاندا بو بهێته كرن ، هه‌روه‌سا به‌حسێ وان هاریكاریان كر یێن كارگێریا پارێزگه‌هێ بو خه‌لكێ ده‌ڤه‌رێ شاندین وخواست كو رێكخراوێن یو ئێن ومروڤایه‌تی ژی هاریكاریێن خو بگه‌هینه خه‌لكێ ره‌بیعه. .. .
پاش رێڤه‌به‌رێ ناحیا ره‌بیعه سوپاسیا پارێزگه‌ها دهوكێ كر لدور ئه‌و هاریكاریێن بو خه‌لكێ ده‌ڤه‌رێ پێشكێشكرین وراپورته‌كا تێر وته‌سه‌ل ل دور پێدڤیێن خه‌لكێ ناحیا ره‌بیعه پشتی ژده‌ستێن تیرورستێن داعش هاتیه رزگاركرن دوارێ ئاڤ وكاره‌ب وته‌ندورستی وچاندنێ وخزمه‌تكاریێن گشتی پێشكێشكر وخواست كو رێكخراوێن (UN)و(NGO) هاریكاریێن مروڤایه‌تی پێشكێشی خه‌لكێ ره‌بیعه بكه‌ن.. .
پاش گه‌نگه‌شه ل دور هه‌موو پێدڤیێن خه‌لكێ ناوچه‌داریێ هاتنه كرن ورێكخراوێن پشكدار به‌رهه‌ڤیا خو دیاركر بو گه‌هاندنا هاریكاریا. ..
لدوماهیێ كونگره‌كێ
روژنامه‌ڤانی هاته ل دارخستن هه‌ر ئێك ژ
1- فه‌واز محمد
2- جاسم محمد كه‌نوش بو سازیێن را گه‌هاندنێ لدور ناڤه‌روكا كومبونێ ئاخفتن
هه‌ژی گوتنێ یه (10) هزار خێزان ئاكنجیێن ناحیا ره‌بیعه‌نه وپرانیا وان ئه‌ره‌بن وپشتی هێزێن پێشمه‌رگه‌ی ئه‌و ده‌ڤه‌ر ژده‌ستێن داعش رزگاركری 95% ژئاكنجیێن وێ ڤه‌گه‌ریاینه سه‌ر جه وارێن خو وكارگێریا پارێزگه‌هێ هاریكاریێن مروڤایه‌تی تایبه‌تی ئاهێن خارنێ گه‌هاندینه خه‌لكێ وێ ده‌ڤه‌رێ .
