پشتی ل سالا 2014قه‌یرانا دارایی ب سه‌ر هه‌رێما كوردستانێ دا هاتی وشه‌رێ داعش ژی په‌یدابوی ژماره‌كا كار وپروژێن حكومه‌تا هه‌رێما كوردستانێ یێن خزمه‌تكاری هاتبونه راگرتن لێ پشتی ده‌ستپێكا سالا 2018 ره‌وشا ئابوری تا راده‌كی به‌ره‌ف باشبون چویی حكومه‌تا هه‌رێما كوردستانێ ب رێكا پارێزگه‌ها دهوكێ ده‌ست بجهئینانا چه‌ند پروژێن خزمه‌تكاری كریه ، سه‌باره‌ت پروژێن به‌رده‌ست به‌رێزئه‌ندازیار ئوسمان یونس جێگرێ پارێزگه‌رێ دهوكێ بو كاروبارێن ته‌كنیكی گوت:نوكه مه‌نێزیكی 379پروژێن به‌رده‌ست هه‌نه هنده‌ك ژوان كار ل سه‌ر دهێته كرن وهنده‌ك ژی ب دوماهی هاتینه كوژمێ وان دگه‌هیته 11ملیار دیناران ، هه‌روه‌سا 320پروژێن خزمه‌تگوزاری ل سنورێ هه‌ر حه‌فت قه‌زایێن پارێزگه‌هێ ودبوارێن جودا جودا (ئاڤ وكاره‌ب ورێك وباژێرڤانی وته‌ندورستی وئاڤ وسولین…هتد) كار ل سه‌ر دهێته كرن وبرێژا 95% هاتینه ئه‌نجامدان.
جێگرێ پارێزگه‌رێ دهوكێ بو كاروبارێن ته‌كنیكی ئه‌ویه‌ك ژی دیاركر كو نوكه كار ل سه‌ر نوژه‌نكرنا 125قوتابخانا ل سه‌رانسه‌ری پارێزگه‌هێ دهێته كرن بهایێ وان پتره ژئێك ملیار دیناران هه‌روه‌سا ل سه‌ر بودجا فه‌رمانگه‌هێن خزمه‌تكاری كو ژپشكه‌كا داهاتێ وان بخو پروژه دهێنه ئه‌نجامدان ژماره‌كا پروژان دهێنه چێكرن وه‌كو پروژێن كاره‌بێ وباژێرڤانیان وئاڤ وئاڤا ده‌وروبه‌ران ئه‌وژی 21پروژه‌نه هه‌روه‌سا ب هاریكاریا رێكخراوێن (یونسێڤ ویو ئێن دی پی) هنده‌ك پروژه دهێنه بجه كرن.
سه‌باره ده‌نگویێ توماكرنا وان پروژان ئه‌وێن پشتی قه‌یرانا دارایی هاتینه راوستاندن و50% هاتینه بجه ئینان ئه‌ندازیار ئوسمان یونس گوت: مه‌ژی ئه‌ڤ ده‌نگویه ژسازیێن راگه‌هاندنێ گولێ بویه لێ هه‌تا نوكه چ تشته‌كێ فه‌رمی بو مه ژحكومه‌تا هه‌رێما كوردستانێ نه‌هاتیه دیاركرن.
ل دوماهیێ ژی ناڤبری سوپاسیا وان هه‌موو كومپانی وبه‌لنده‌ران كر یێن به‌رده‌وامی دایه پروژێن خو سه‌ره‌رایی هه‌بونا قه‌یرانا دارایی تایبه‌ت به‌لنده‌رێن رێكا دهوك زاخو وتونێلا گه‌لیێ زاخو توماكری هه‌روه‌سا به‌لنده‌رێ رێكا گشتی دێره‌لوك وشێلادزی چێدكه‌ت وهه‌موو به‌لنده‌رێن دی یێن كار وپروژێن خو تومامكرین.
