ئه‌ڤرۆ نیڤرۆ 21/11/2016 به‌رێز فه‌رهاد ئه‌مین ئه‌ترووشی پارێزگه‌رێ دهۆكێ پێشوازیا شانده‌كێ كه‌نه‌دی ب سه‌روكاتیا (پول گارو) كاربه‌رێكه‌رێ قونسلخانا كه‌نه‌دا ل هه‌رێما كوردستانێ كر، د هه‌ڤدیتنه‌كێ دا به‌راهیێ پارێزگه‌رێ دهوكێ كورتیه‌ك دا سه‌ر ره‌وش و سه‌روبه‌رێ ئاوارا و په‌نابه‌را ل سنورێ پارێزگه‌ها دهوكێ و ئه‌و هاریكاری و خزمه‌تێن ژلایێ كارگێریا پارێزگه‌وهێ ب هه‌فكاریا رێكخراوێن UN و جڤاكێ نێڤده‌وله‌تی بۆ دهێنه پێشكێشكرن و داكوكی ل سه‌ر پێتر خورتكرنا رولێ جڤاكێ نێڤده‌وله‌تی و به‌رپرساتیا حكومه‌تا ئێراقێ بو ئاڤه‌دانكرنا وان ده‌ڤه‌رێن هاتینه رزگار كرن ژ تیرورستێن داعش و تایبه‌ت شنگالێ و ده‌ڤه‌رێن وێ و گه‌هاندنا خزمه‌تێن پێدڤی بێخه‌مه‌ت ڤه‌گه‌ریانا خه‌لكێ وان ده‌ڤه‌را و پێدڤی و كێم و كاسیێن كه‌مپێن سنورێ پارێزگه‌هێ تایبه‌ت پێدڤیێن زڤستانێ و ده‌رمان و ئاڤ و كاره‌بێ دا بو شاندێ میهڤان به‌رچاف كرن ,
دلایه‌كێ دیێ هه‌ڤدیتنێ سوپاسیا ده‌وله‌تا كه‌نه‌دا كر بو وان هاریكاریێن مروڤایه‌تی و له‌شكری یێن پێشكێشی كوردستانێ و پێشمه‌رگه‌ی كرین و داكو ل سه‌ر خورت كرنا په‌یوه‌ندیێن ئابوری و بازرگانی و كارێ بزنس مانیێ دنافبه‌را كه‌نه‌دا و كوردستانێ وبجهئینانا پروژێن وه‌به‌رئینانێ ب تایبه‌ت دبیاڤێ گوزاری و چاندنێ دا كر ,
ژلایێ خوڤه شاندێ نافبری به‌رهه‌ڤیا وه‌لاتێ خو دیاركر كو به‌رده‌وام هاریكاریا حكومه‌تا هه‌رێما كوردستانێ دبیاڤێن مروڤایه‌تی و له‌شكری دا بكه‌ت و دیار كر كو ئه‌و دێ هه‌می بزاڤا كه‌ن په‌یوه‌ندیان خورت و به‌رفره‌هتر لێ بكه‌ن .
