ب سه‌رپه‌رشتیا به‌رێز فه‌رهاد ئه‌مین ئه‌تروشى پارێزگه‌رێ دهوكێ ئه‌ڤرو نیڤرو 29-9-2016كومبونا لیژنا بلندا نه‌خوشیا كولێرێ وزكچونێ وب ئاماده‌بونا قایمقامێن قه‌زایێن پارێزگه‌هێ وبوردێ كاروبارێن ئاواره وپه‌نابه‌ران وفه‌رمانگه‌هێن په‌یوه‌ندیدار هاته ل دارخستن.
ل به‌راهیێ پارێزگه‌رێ دهوكێ دیاركر كو دوڤ چون ونه‌هێلانا به‌لاڤبونا نه‌خوشیا كولێرێ وزكچونێ ونه‌خوشیێن دى كاره‌كێ گرنگه ویافه‌ره هه‌ر تاكه كه‌سه‌ك وجڤاك وفه‌رمانگه‌هێن په‌یوه‌ندیدار گرنگیێ ب بابه‌تى بده‌ن وهشیاریا ره‌وشه‌نبیرى یا ساخله‌میێ دناڤ خه‌لكیدا به‌لافكه‌ن بو وێ یه‌كێ هه‌موو جڤاك وتاكه كه‌سه‌ك خو ب پارێزیت وگرنگى ب زاروكان بهێته دان وهه‌موو لایه‌ن وه‌كو ئه‌ركه‌كێ نیشتمانى وئاینى گرنگیێ پێ بده‌ن وبه‌رهه‌ڤیا پارێزگه‌هێ نیشان دا بو هه‌ر هاریكاریه‌كێ.
پاش رێڤه‌به‌رێ ساخله‌میا دهوكێ وبه‌رپرسێن ته‌ندورستى رونكرن دانه سه‌ر پلانا ساخله‌میێ یا سالانه بو چاوانیا خو پاراستن وچاره‌سه‌ركرنا نه‌خوشیا ناڤبرى.
پاش گه‌نگه‌شه ل سه‌ر بابه‌تى هاتنه كرن .
پاش دكونگره‌كێ روژنامه‌ڤانیدا قایمقامێ قه‌زا دهوكێ ورێڤه‌به‌رێ گشتى یێ ساخله‌میێ بریار وبابه‌تێن كومبونێ وریكێن خوپاراستنێ ژنه‌خوشیا كولێرێ به‌رچاڤكرن ودیاركر كو ئه‌ڤ ساله چ حاله‌تێن نه‌خوشیا كولێرێ نه‌هاتیه توماركرن.
