ژبو گه‌هاندنا رێز وسوپاسیێن ئه‌نجومه‌نێ باڵا یێ كومسیونا سه‌ربه‌خویا هه‌لبژارتنا ل عیراقا فیدرال ئه‌ڤرو ئێڤارى 21/12/2021 به‌رێز د.على ته‌ته‌ر پارێزگارێ دهۆكێ پێشوازیا شانده‌كێ كومسیونا سه‌ربه‌خویا هه‌لبژارتنا ل پارێزگه‌ها دهۆكێ ب سه‌روكاتیا به‌رێز(خالد عباس) رێڤه‌به‌رێ نڤێسینگه‌ها كومسیونێ ل پارێزگه‌هێ كر.
دهه‌ڤدیتنه‌كێدا رێڤه‌به‌رێ نڤێسینگه‌ها كومسیونا سه‌ربه‌خویا هه‌لبژارتنا ل پارێزگه‌هێ بناڤێ ئه‌نجومه‌نێ بلند یێ كومسیونا سه‌ربه‌خویا هه‌لبژارتنا ل عیراقا فیدرال سلاڤ ورێز وسوپاسیێن ئه‌نجومه‌نى گه‌هاندنا پارێزگارێ دهۆكێ هه‌مبه‌ر رولێ جه‌نابێ وى دسه‌ركه‌فتنا پروسا هه‌لبژاتنێن په‌رله‌مانێ عیراقێ دا هه‌ر ژقوناغا توماركرنا ناڤێن ده‌نگده‌را وبه‌لاڤكرنا كارتێن ده‌نگدانێ وتوماركرنا بایومترى وهه‌وا هه‌لبژارتنا وهه‌تا رۆژا ده‌نگ دانێ كو هه‌موو ئاسانكارى وهاریكارى دگه‌ل كومسیونێ كرینه ودهۆك ژى ل سه‌ر ئاستێ عیراقێ بویه یا ئێكه‌م دبیاڤێ چه‌سپاندنا ئێمناهیێ ورێژا پشكداریكرنا ده‌نگدانێ له‌ورا مه بفه‌ر دیت خه‌لاتێ رێزلێنانێ پێشكێشى جه‌نابێ وى بكه‌ین.
پارێزگارێ دهۆكێ ته‌كه‌زكر كو سه‌ركه‌فتنا پروسا هه‌لبژارتنا ل پارێزگه‌هێ سه‌ركه‌فتنا هه‌موو لایه‌نایه وده‌ستخوشى ل كومسیونێ وهه‌موو كارمه‌ند وده‌نگده‌ران كر كو پروسه بره‌نگه‌كێ شه‌فاش و ب جوانى وبێ ئاریشه هاته ئه‌نجامدان وخه‌لكێ پارێزگه‌هێ برێژا پتر ژ50% پشكدارى دده‌نگدانێ كر كو بلندرین رێژه‌بوو ل سه‌ر ئاستێ عیراقا فیدرال.
هه‌روه‌سا ته‌كه‌زكر كو دڤێت هه‌موو لایه‌ن كلتورێ دیموكراسیێ وتێگه‌هشتنێ وپێكڤه ژیانێ به‌ڵاڤكه‌ن وئه‌نجامێن هه‌ر هه‌لبژارتنه‌كێ ب ئاسایى قه‌بولكه‌ن ورویه‌كێ شارستانێ یێ جوان نیشانى جڤاكێ ده‌وله‌تى بده‌ن.
ل دوماهیێ خه‌لاتێ رێزگتنێ هاته به‌خشین بو به‌رێز (د.على ته‌ته‌ر پارێزگارێ دهۆكێ).
هه‌ژى گوتنێ یه به‌رى نوكه ژى كومسیونێ خه‌لاتێ رێزگرتنێ پێشكێشى پولیسێن پارێزگه‌هێ وبه‌رگریا شارستانى ورێڤه‌به‌ریا گشتى یا په‌روه‌ردێ ژى كرینه.
