ئەڤرو ل رێکەفتی ٢٠٢١/٢/١٦ ب ئامادەبونا بەرێزان ” شمعون شلیمون ایشو” جێگرێ پارێزگارێ دهوکێ و ”ماجد سەید سالح” جێگرێ پارێزگارێ دهوکێ بو کاروبارێن تەکنیکی ب وەکالە و د.شێرزاد حەمید ” رێڤەبەرێ رێڤەبەریا جاڤدێریا گەشەپێدانا جفاکی ، هەروەسان ب ئامادەبونا نوینەرێن هەمی وان سازیێن پەیوەندی ب پاراستنا زاروکان ڤە هەی، کومبونا بەرفرەهــ یا لژنابلند یا پاراستنا زاروکان هاتە ئەنجامدان
د کومبونێ دا بەحس ل چاوانیا میکانزمەکا ساخلەم هاتەکرن ژبو بو پاراستنا وان زاروکێن لسەر جاددەیان خازوکیێ دکەن و یێن دناڤ ئاڤاهی و بازاراندا کار پێ دهێتەکرن و دیڤچونا وان کەسێن زاروکان بکارتینن بو کارێن خازوکیێ و ئاماژە ب وێ یەکێ هاتەدان کو ژ دەرئەنجامێ دیڤچون و کومبونێن پێشدەم یێن لژنا بلند چەند کەسەك ژوان هاتینە دەستەسەرکرن یێن زاروکان بکار تینن و هاتینە راوانەکرن بو بەر یاسایێ
پاش بەحس ل پروژێ دیڤچونێ هاتەکرن کو دێ پروژەیەك بیت ب سەرپەرشتیا لژنا بلند یا پارێزگەهێ و هەفکاری و هەماهەنگیا دەزگایێن دناڤ لژنێ دا دگەل هەمی وان ئەندامێن نوینەر و بەژدان ب پشتەڤانیا رێکخراوا ,ILO, یان نێڤدەولەتی و رێکخراوا زاروك پارێزی کوردستان,KSC,
هەژی گوتنێ یە د کومبونێ دا بەرێز ”شمعون شلیمون إيشو” جێگرێ پارێزگارێ دهوکێ بو سەروکێ وێ لژنێ ژلایێ ئیدارا پارێزگەهێ ڤە کو پێشدەم بەرێز ”ماجد سەید سالح” سەرپەرشتیاوێ لژنێ دکر
پشتی کومبون ب دوماهی هاتی د کونگرەیەکێ روژنامەڤانیدا ژلایێ د.شێرزاد حەمید’ رێڤەرێ رێڤەریا چاڤدێریا گەشەپێدانا جفاکی و ‘عەلی ئیبراهیم’ ژ رێکخراوا منال پارێزی ،هەمی ئەنجام و مەبەست و داتایێن کومبونا ئەڤرو و یێن پێشدەم هاتنە راگەهاندن بو جافکانیێن مەدیایان.
