ئەڤرو روژا دووشەمبی ٢٠٢١/١٠/١٨ ل مزگەفتا شەهیدان لژێر چاڤدێریا رێزدار ” د عەلی تەتەر ” پارێزگارێ دهوکێ و ب ئامادەبونا بەرێز ” ماجد سەید سالح” نونەرێ پارێزگارێ دهوکێ و بەرێزان ” محمد خالد محمد “رێڤەبەرێ گشتی یێ ئەوقاف وکاروبارێن ئاینی ل دهوکێ و جێگرێ میرێ ئێزدیان، و نونەرێ لقێ ئێکێ پارتی دیموکراتی کوردستان و دەڤەردارێ دهوکێ و ریهــ سپی و ماقیلێن دەڤەرێ و هژمارەکا ماموستایێن ئاینی رێ و رەسمێن ساخکرا یادا ژدایکبونا پێغەمبەرێ ئیسلامێ ” محمد ” سلاڤێن خودێ لسەربن ب رێڤەچون
بەراهیێ چەند ئایەتێن قورئانا پیروز هاتنە خواندن
پاش رێڤەبەرێ گشتی یێ ئەوقافا پارێزگەها دهوکێ د پەیڤەکێدا بخێرهاتنا مێڤانان کر و چەندەکێ باس ل ڤێ بونەیا پیروزکر
دوڤدا نونەرێ پارێزگاری بناڤێ بەرێز پارێزگارێ دهوکێ پیروزباهی ل تەڤایا موسلمانێن جیهانێ و یێن کوردستانێ ب تایبەتی کر و گوت پێغەمبەرێ ئیسلامێ ” محمد” سلاڤێن خودێ لسەربن پێغەبەرێ ئاشتیێ و پێکڤە ژیانێ برایەتیێ بو هیڤخوازین ئەڤ روژە ئەڤ یادا پیروز ببیتە هێڤێنێ پێکڤەژیانا بەردەوام و جهێ خوشحالیێ یە حکومەتا هەرێما کوردستانێ هەرسال ڤێ بونەیا پیروز ب فەرمی ساخ دکەت.
