ل روژا 25-6-2015 بهرێز فهرهاد ئهمین ئهتروشی 
پارێزگهرێ دهوكێ سهرپهرشتیا كومبونا لیژنا خزمهتگوزاری ل پارێزگههێ ب ئامادهبونا چهند نونهرێن خهلكێ گوندێ ئێتیتێ ل دور ئاریشێن گوندێ ناڤبری پشتی كهتیه دسنورێ ماستر پلانا باژێرێ دهوكێ دا كر.
دكومبونێدا لبهراهیێ نونهرێن گوندێ ئێتیتێ چهند ئاریشێن گوندی یێن خزمهتكاری وچوانیا چارهسهركرنا ئاریشێن ئهردی وزێدهگاڤیا لناڤ گوندی بهرچاڤكرن بو وێ یهكێ پارێزگهرێ دهوكێ چارهسهریا وان ئاریشه وداخازیا بكهت. ..
پاش ئهندامێن لیژنا خزمهتگوزاری رونكرن دانه سهر كهتوارێ گوندێ ئێتیتی وماستر پلانا باژێرێ دهوكێ وئهو هاریكاریا لایهنێن پهیوهندیدار دگهل خهلكێ گوندی كری بو كوژاندنا ئهردێ گوندی وقهرهبوكرنا خودانان.
پارێزگهرێ دهوكێ دیاركر كو ئێتیتێ كهتیه دناڤ ماستر پلانا باژێرێ دهوكێ دا ودڤێت ههموو خزمهتگوزاری بو وێ دهڤهرێ ژی وهكو تاخێن دن یێن باژێری بهێنه دابینكرن ههروهسا رێكێن گونجای ویاسایێ بهێنه دیتن بو چارهسهركرنا ئاریشێن خهلكێ گوندی وهكو چارهسهركرنا ئاریشێن زێدهگاڤیا وكوژاندنا ئهردی وژخهلكێ گوندی خواست كو ئهوژی دهاریكاربن دا ههموو ئاریشه بهێنه چارهسهركرن و بریار هاته دان كو لیژنهكا تهكنیكی یا تایبهتمهند ژنێزیك سهرهدانا گوندی بكهت وب ههڤكاری دگهل خهلكێ گوندی ههموو ئاریشا دهست نیشان بكهن دا ئهو ئاریشه ب رێكێن گونجای ولدوڤ یاسایێ بهێنه چارهسهركرن.
