ئهڤرو بهری نیڤرو ل27-7-2015 كومبونا لیژنا نههێلانا زێدهگاڤیان ب سهرپهرشتیا فهرهاد ئهمین ئهتروشی پارێزگهرێ دهوكێ وب ئامادهبونا بهرێز محمد ئهمین شهرهفانی سهروكێ دادگهها دهوكێ وبریاردهرێ دادگههێ هاته ل دارخستن.. .
دكومبونێدا بهحسێ كار وچالاكیێن لیژنا نههێلانا زێدهگاڤیان وئهو پێرابونێن بهری نوكه هاتینه ئهنجامدان بو نههێلان وكونترولكرنا ههموو رهنگێن زێدهگاڤییان ل سهرانسهری پارێزگههێ هاته كرن.
پاش ههردهڤهردارهكی راپورت وپێشنیار ل دور زێدهگاڤیا ل سنورێ دهڤهرداریا خو پێشكێشكرن. .. ل دوڤدا گهنگهشه ل سهرڤان تهوهران هاتنه كرن.. . (بهرفرههكرن وڤهگوهاستنا سنورێن گوندا – چارهسهركرنا زێدهگاڤیێن ل سهر بیستان وههڤبهستێن چاندنێ هاتینه كرن – دوڤ چونا زێدهگاڤیا ب رهنگهكێ گشتی).. .
پارێزگهرێ دهوكێ دهست خوشی ل ئهندامێن لیژنێ كر ههمبهر ئهو كار وپێرابونێن ئهنجامداین بو كێمكرن ونههێلانا زێدهگاڤیا وخواست كو لیژنه بهردهوامیێ بدهته دوڤ چونا نههێلانا زێدهگاڤیا وههموو رێنمایان ب هوربینی وب رهنگهكێ رێكخستی ولدووڤ یاسایێ بجه بینن بو كێمكرن ونههێلانا زێدهگاڤیا چونكو زێدهگاڤیێن بهری نوكه گهلهك سیمایێن باژێران وژینگههێ تێكداینه وخواست كو لیژنهیێن تایبهت ب هویربینی دوڤ چونا وان زێدهگاڤیان یێن ل سهر جهێن چاندنێ ومیری وگشتی هاتینه ئاڤاكرن بكهت وچارهسهریێن گونجای بو ببینیت. ..
پاش بابهت ب تێروتهسهلی هاته گهنگهشهكرن ودكومبونێدا هاته دیاركرن كو پشتی لیژنا نههێلانا زێدهگاڤیا دهست ب كاربوی وهاتیه كاراكرن ب رێژا 95% زێدهگاڤی هاتینه كونترولكرن.
