ل دووڤ راسپاردێن به‌رێز د.على ته‌ته‌ر پارێزگارێ دهۆكێ بو ئاماده‌كرنا ڤه‌دیتنه‌كێ بو چێكرنا رێكه‌كا نوو ژ(کێڤلا بو ته‌حا ومشارا گوندێن پشتا سكرێ دهۆكێ) ل روژا 27-2-2021 تیمه‌كێ ئه‌ندازیارى یێ بسپور وشاره‌زا دبیاڤێ چێكرنا رێك وپرادا یێ پێك هاتى ژرێڤه‌به‌ر وئه‌ندازیارێن رێك وپرا وئه‌ندازیارێن پلان دانانێ ل پارێزگه‌ها دهۆكێ سه‌ره‌دانا جهێ ناڤبرى كر وژنێزیك سه‌حكره رێره‌وێ (مه‌سار) ێ رێكا (کێڤلا سه‌رێ ته‌حا –لیناڤا) ب درێژیا (9)كم .
ئارمانج ژچێكرنا رێكا نوو ئه‌وه فشارا هاتن وچونا ترومبێلا ل سه‌ر رێكا گه‌لیێ دهۆكێ بهێته كێمكرن نه‌خاسمه ل روژێن بێهنڤه‌دان وبیره‌وەریا وده‌ركه‌تنا هاولاتیان بو گه‌شت وسه‌یرانان .
هه‌روه‌سا سه‌نته‌رێ باژێرێ دهۆكێ ب گوندێن ده‌روبه‌رێن سكرێ دهۆكێڤه بهێنه گرێدان وبزاڤا گه‌شتیارى ژى بهێته خورتكرن وئاسانكرن.
هه‌ژى گوتنێ یه ل دووڤ پلانا كابینا (9) یا حكومه‌تا هه‌رێما كوردستانێ بو خوشكرنا رێك وپرا وئاسانكرنا هاتن وچونا گشتى و ل دووڤ فه‌رمانا پارێزگارێ دهۆكێ ئه‌ڤ پرۆژه پێشتر ژلایێ لیژنا پلان دانانا پرۆژێن ستراتیجى وگرنگ هاتیه دیاركرن هه‌روه‌سا چه‌ندین پرۆژێن دن ژى هاتینه ئاماده‌كرن بو وێ یه‌كێ داهاتێ نافخویى بهێته زێده‌كرن وده‌لیڤێن كارى ژى پتر بهێنه دیتن.
