لدووڤ راسپاردێن کومبونا ئەنجومەنێ وەزیران وپشتی هەولێن بەرێز د.علی تەتەر پارێزگارێ دهوکێ بو دابینکرنا بودجەکا تایبەت بو ژمارەکا پروژێن خزمەتگوزاری بو دەڤەرداریێن (دهۆکـ ـ ئاکرێ ـسێمێلێ ـ بەردەرەش ـ شێخان) ئەڤرو ئێڤاری ٢١ـ٢ـ٢٠٢١ بەرێز ماجد سەید سالح جێگرێ پارێزگارێ دهوکێ بو کاروبارێن تەکنیکی ب وەکالەت و ب ئامادەبونا برهان صبری سەروکێ ئەندازیاران ل پارێزگەهێ و ئەندازیار عەلی ئەنوەر رێڤەبەرێ گرێبەستان ل پارێزگەھێ کۆمبوونەکا تاییەت دگەل دەڤەردارێن ناڤبری ورێڤەرێن پەیوەندیدار ئەنجامدا.
دکۆمبوونێدا پشتی گەتگەشێن تێر وتەسەل ل سەر پرۆژێن فەر وپێدڤی وگرێدای ب ژیانا روژانە یا هاوڵاتیانڤە بریار هاتە دان ولیستەکا پروژێن گرنگ بگوژمێ (٢٦ـ ٣٠) ملیار دینارا هاتە ئامادەکرن کوبلەز بو ئەنجومەنێ وەزیران بهێتە بلندکرن بو وێ یەکێ رازیبون لسەر بهێتە کرن ولنێزیک بکەڤنە دوارێ بجهئینانێدا.
هەر دکۆمبوونێدا تەکەزی هاتە کرن کو هەولێن پارێزگارێ دهۆکێ بەردەوام یێ دهێنە کرن بو دابینکرنا بودجەکا مەزنتر بو ئەنجامدانا پروژێن مەزن ل سنورێ وان پێنچ دەڤەرداریا.
هەژی گوتنێ یە بەری نوکە ولدووڤ راسپاردێن سەروکێ حکومەتا هەرێما کوردستانێ نێزیکی ١٥٠ پروژێن خزمەتگوزاری لسنورێ دەڤەرداریێن ئامێدیێ وزاخو هاتینە ئەنجامدان.
