ئه‌ڤرو روژا ئێكشه‌مبی رێكه‌فتی 2023/2/5 هه‌ر ئێك ژ به‌رێزان به‌رێزان ” زه‌كیا سه‌ید سالح ” بریكارا وه‌زاره‌تا كار و كاروبارێن كومه‌لاتی و ” ماجد سه‌ید سالح ” جێگرێ پارێزگارێ دهوكێ و ” عارف حیتو ” رێڤه‌به‌رێ گشتیێ رێڤه‌به‌ریا ده‌سته‌به‌ریا جڤاكی بو كرێكاران ل وه‌زاره‌تا ناڤبری و ” ئه‌حمه‌د جه‌میل” رێڤه‌به‌رێ گشتیێ چاندنێ ل پارێزگه‌ها دهوكێ سه‌ره‌دانا رێڤه‌به‌ریا راهێنانا پیشه‌یی كر و هاتنه پێشوازیكرن ژلایێ به‌رێز رێڤه‌به‌ر ” نیبار عه‌بدولستار ”
دڤێ رێڤه‌به‌ریێ دا ده‌ستپێكێ خولا ئاڤاكرنا شیانا بو (7) راهێنه‌رێن سه‌ر ب رێڤه‌به‌ریێن پیشه‌یی یێن سه‌رجه‌م هه‌رێما كوردستانێ ده‌ستپێكریه و بو ماوێ پێنج روژان دێ به‌رده‌وامبیت هه‌روه‌سان رێڤه‌به‌ریا گشتیا ده‌سته‌به‌ریا جڤاكی ل وه‌زاره‌تا كار و كاروبارێن كومه‌لاتی دگه‌ل رێڤه‌به‌ریا راهێنا پیشه‌ی و ب هه‌فكاریا رێكخراوا ( I L O ) مه‌زنترین پروژه‌یێ خولێن پێگه‌هاندنێ لسه‌ر ئاستێ عیراقێ و هه‌رێما كوردستانێ ل دهوكێ راگه‌هاند
هه‌ر ئێك ژ به‌رێزان بریكارا وه‌زاره‌تێ و جێگرێ پارێزگارێ دهوكێ
ب درێژی به‌حسێ گرنگیا فی پروژه‌ی و كارو بزافێن حكومه‌تا هه‌رێما كوردستانێ و وه‌زاره‌تا كار و كاروبارێن كومه‌لایه‌تی و رێڤه‌به‌ریێن ده‌سته‌به‌ریا گشتیا كومه‌لایه‌تی و رێڤه‌به‌ریێن راهێنان پیشه‌یی كر
ژلایێ خوه‌ڤه به‌رێز ” نیبار عه‌بدولستار ” رێڤه‌به‌رێ رێڤه‌به‌ریا راهێنانا پیشه‌یی چه‌ند زه‌لالكرن دانه سه‌ر پروژه‌ی و دادیاركرن : ئه‌ڤه مه‌زنترین پروژه‌یه لسه‌ر ئاستێ عیراقێ و هه‌رێما كوردستانێ دێ ده‌ست پێكه‌ت كو پێك دهێت ژ (28) خولا ژوان ژی خولێن چاندنا كڤاركا و خولێن رستن و چنینی و خولێن هشككرنا مێوه‌یان و خولێن خزمه‌تكرنا بكڕا و خولێن وێنه‌و مونتاژ و فوتوگرافی … وهتد..
و دڤان خولاندا (345) كه‌س دێ به‌شداربن ژوان ژی (%40) وه‌لاتیێن پارێزگه‌هێ و (%30) ئاواره‌یێن ده‌ردورێن پارێزگه‌هێ (%30) پانه‌به‌ر , و پشتی بدوماهی هاتنا ڤان جوره خولا (100) كه‌س دێ هێنه هه‌لبژارتن بو به‌شداریكرنێ د خوله‌كا چه‌وانیا بده‌ستڤه ئینانا كاره‌كی و كاركرنێ د بازاریدا , گوت ژی پروژه لسه‌نته‌رێ پارێزگه‌هێ و ده‌وروبه‌را دێ هێته ئه‌نجامدان و تێچویێ پروژه‌ی (404,82000) چارسه‌د و چار ملیون و حه‌شتێ و دوو هزار دینارن زێده‌باری چه‌ند مه‌زاختیێن دی بو هنده‌ك ئاڤاهیێن سازیێن سه‌ر ب رێڤه‌به‌ریێن گشتوكالی و چاندنێ و چێكرنا هنده‌ك بازارێن فروشتنا زه‌رزه‌واتی و فێقی كو ره‌نگه ده‌رچویێن خولێن د وی بواریدا تێدا كار بكه‌ن.
