بو دووڤ چونا پرۆژێن حكومه‌تا هه‌رێما كوردستانێ ئه‌ڤرۆ سپێدێ 17/ كانوونا دووێ /2023 ل سنورێ ناوچه‌داریێن بامه‌رنێ وكانى ماسێ وب چاڤدێریا به‌رێز د.عه‌لى ته‌ته‌ر پارێزگارێ دهۆكێ وب ئاماده‌بونا به‌رێزان ماجد سەید سالح جێگرێ پارێزگارێ دھۆکێ بۆ کاروبارێن تەکنیکی و عمر ئوره‌ى به‌رپرسێ لقێ 18 یێ پارتى و وارشین سه‌لمان ده‌ڤه‌ردارێ ئامێدیێ ورێڤه‌به‌رێن فه‌رمانگه‌هێن په‌یوه‌ندیدار به‌رێ بنیاتى بو ڤان پرۆژا هاته دانان هه‌روه‌سا ئه‌ڤ پرۆژه هاتنه ڤه‌كرن.
1- ڤه‌كرنا پرۆژێ ئاڤێ یێ ستراتیجى ژئینشكێ بو ناوچه‌داریا بامه‌رنێ.
2- دانانا به‌رێ بنیاتى بو چێكرنا رێكێن نافخویى بو گوندێن وه‌رمێلێ وزێوا شێخ پیراموس وغلبیشى ل سنورێ ناوچه‌داریا بامه‌رنێ ب گوژمێ (436) ملیون دینارا.
3- دانانا به‌رێ بنیاتى بو چێكرنا رێكێن نافخویى بو گوندێن كانیكا وئه‌ره‌دنا مه‌سیحیا ل سنورێ ناوچه‌داریا بامه‌رنێ ببهایێ 400 ملیون دینارا.
4- دانانا به‌رێ بنیاتى بو چێكرن وسه‌خبێركرنا رێكێت سه‌نته‌رێ ناوچه‌داریا بامه‌رنێ بگوژمێ (480) ملیون دینارا.
5- دانانا به‌رێ بنیاتى بو چێكرنا رێكێن گوندێ بێدوهى ل سنورێ ناوچه‌داریا كانى ماسێ بگوژمێ 317ملیون دینارا.
6- دانانا به‌رێ بنیاتى بو پرۆژێ ئونلودا بو فیده‌رێن kv1ل كانى ماسێ وگه‌هاندنا كاره‌بێ بو مالێن نوو ل گوندێ قومریێ ودشیشێ وڤه‌گوهاستنا هێلا كاربه‌ێ بو گوندێ كێسته ل فیده‌رێ بێگوڤا بو سه‌ر فیده‌رێ ئاسته‌نگێ ب گوژمێ (385) ملیون دینارا.
7- دانانا به‌رێ بنیاتى بو كوڵانا بیره‌كا ئاڤێ دگه‌ل چێكرنا عومباره‌كا ئاڤێ ل كومه‌لگه‌ها بریفكا دگه‌ل سه‌خبێركرنا تورا ئاڤێ ل گوندێ راڤینا وچه‌ند جهێن دى ببهایێ( 419)ملیون دینارا.
8- پاش پارێزگارێ دهۆكێ سه‌را ئاڤاهیێ ناوچداردیا كانى ماسێ دا دهه‌ڤدیتنه‌كێدا دگه‌ل صالح حمدى رێڤه‌به‌رێ ناوچه‌داریێ به‌حسێ پێدڤیێن خه‌لكێ ناوچه‌داریا كانى ب پرۆژێن خزمه‌تگوزارى ب گشتى هاته كرن.
9- ل دوماهیێ پارێزگارێ دهۆكێ پرۆژێ قێركرنا رێكا گوندێن خشخاشا وچه‌م سه‌یدا بوگوندێ بازێ ڤه‌كر، پرۆژه ب گوژمێ (720) ملیون دینارا هاتیه بجهئینان.
هه‌ژى گوتنێ یه هه‌موو پرۆژه ل سه‌ر بودجا حكومه‌تا كوردستانێ دهێنه بجهئینان.
پارێزگارێ دهۆكێ دكونگره‌كێ رۆژنامه‌ڤانیدا دیاركر كو نوكه ب گوژمێ پترژ (27) ملیار دینارا پرۆژه ل سنورێ ناوچه‌داریێن بامه‌رنێ وكانى ماسێ دهێنه ئه‌نجامدان وبو ساڵا نوو ژى كومه‌كا پرۆژێن نوو ل هه‌ردوو جها دێ هێنه ئه‌نجامدان هه‌روه‌سا گوت: پرۆژه ب یه‌كسانى ل هه‌موو ده‌ڤه‌ردارى وناوچه‌دارى وكومه‌لگه‌ه وگوندان دهێنه ئه‌نجامدان وخواست كو هه‌موو پرۆژه ل دووڤ پیڤه‌رێن ئه‌ندازیارى وب كوالیتیه‌كا باش بهێنه بجهئینان.
