ئه‌ڤرو سپێدێ 26-5-2019 به‌رێزان به‌هزاد علی ئاده‌م جێگرێ پارێزگه‌رێ دهوكێ وعمر علی ته‌ها رێڤه‌به‌رێ گشتی یێ په‌روه‌ردێ وچه‌ند سه‌رپه‌رشتیارێن په‌روه‌رده‌یی سه‌را هولێن بنگه‌هێن ئه‌نجامدانا ئه‌زمونێن قوناغا دووازدێ ئاماده‌یی دا یێن وژنێزیك سه‌حكره ره‌وشا قوتابیان وكێم وكاسیێن هولا ده‌مێ ئه‌زمونا ئه‌نجامدان.
ئه‌و بنگه‌هێن سه‌ره‌دانا وان هاتیه كرن ئه‌ڤه‌بون (ئاماده‌یا هێز ل تاخێ ئێتیتێ وئاماده‌یا پێشه‌وا ل تاخێ پیشه‌سازی)
بڤێ هه‌لكه‌فتێ جێگرێ پارێزگه‌رێ دهوكێ ده‌ست خوشی ل رێڤه‌به‌ریا گشتی یا په‌روه‌ردێ وهه‌موو ماموستا وكارمه‌ندێن په‌روه‌ردێ كر كو شیاینه سه‌قایه‌كێ ئارام وته‌نا بو هه‌موو قوتابییان په‌یداكه‌ن بو وێ یه‌كێ قوتابی ب شێن ئه‌زمونێن خو ئه‌نجامدان هه‌روه‌سا خواست كو هه‌موو قوتابی ب ئارامی به‌رسڤا پسیارێن ئه‌زمونا بده‌ن وئه‌نجامێن باش ب ده‌ستڤه‌بین وسه‌ركه‌فتن بو هه‌موویان خواست.
ژلایه‌كێ دیڤه عمر علی ته‌ها رێڤه‌به‌رێ گشتی یێ په‌روه‌ردێ ل پارێزگه‌هێ دیاركر كو (1100) بنگه‌ه هاتینه ئاماده‌كرن و نێزیكی 32هزار قوتابییان ل قوناغا 12ئاماده‌یی و33هزار قوتابی یێن قوناغا نه‌هێ دێ پشكداریێ دئه‌زمونێن ئه‌ڤ ساله دا دكه‌ن ورێڤه‌به‌ریا گشتی یا په‌روه‌ردێ هه‌موو پێدڤیێن وان هول وبنگه‌هان ل سه‌ر ئاستێ هه‌موو په‌روه‌ردێن قه‌زا دابینكرینه وده‌ست خوشی ل ستافێ په‌روه‌ردێ كر هه‌روه‌سا داخازا سه‌ركه‌فتنێ بو هه‌موو قوتابیێن پشكدار كر هه‌روه‌سا سوپاسیا رێڤه‌به‌ریا گشتی یا كاره‌با پارێزگه‌هێ كر بو دابینكرنا كاره‌با به‌رده‌وام بو هه‌موو هول وبنگه‌هان وسوپاسیا رێڤه‌به‌ریا پولیسێن پارێزگه‌هێ ژی كر كو ئارامیا بنگه‌هان دپارێزن .
هه‌ژی گوتنێ یه سوبه 27-5-2019قوتابیێن قوناغا نه‌هێ بنه‌رتی دێ ئه‌زمونێن نیشتمانی ئه‌نجامده‌ن.
