نێچیرڤان بارزانی دگه‌ل قایقام و رێڤه‌به‌رێن گشتی یێن ده‌زگایێن حكومه‌تێ ل سنورێ پارێزگه‌هێ كوم بو

نیڤرویا روژا 4/6/2015 به‌رێز نێچیرڤان بارزانی سه‌روكێ جڤاتا وه‌زیرێن حكومه‌تا هه‌رێما كوردستانێ دكومبونه‌كێ دا دگه‌ل رێڤه‌به‌رێن گشتی و قایمقامێن سنورێ پارێزگه‌ها دهوكێ كوم بو,
دكومبونێ ب ئاماده‌بونا به‌رێز پارێزگه‌رێ دهوكێ به‌رهه‌ڤبویان به‌حسێ پێدڤی و كێم و كاسیێن ده‌زگایێن حكومه‌تا هه‌رێما كوردستانێ یێن خزمه‌تگوزاری ل سنورێ پارێزگه‌هێ وه‌كو ئاڤ و كاره‌ب و ساخله‌می و په‌روه‌رده‌ و باژێرڤانی و خوارن و ئاسایش و هێزێن نافخو و هه‌می كه‌رتێن دی كرن
و دیار كر كو باره‌كێ گران ب هاتنا ڤێ رێژا مه‌زن یا ئاواره‌ و په‌نابه‌را كه‌تیه‌ سه‌ر هه‌می ده‌زگایێن خزمه‌تكاری ل سنورێ پارێزگه‌هێ
ژلایێ خوڤه‌ سه‌روكێ حكومه‌تا هه‌رێما كوردستانێ سوپاسیێن خو و حكومه‌تا هه‌رێمێ ئاراسته‌ی كارگێریا پارێزگه‌هێ ب هه‌می ده‌زگایێن خزمه‌تگوزاری ڤه‌ بو وان كارو خزمه‌تێن بو ئاوارا و په‌نابه‌ران كرین و ته‌ئكید ل هندێ كر كو حكومه‌تا هه‌رێمێ دێ هه‌می بزاڤا كه‌ت كو پێدڤیێن ده‌زگایێن حكومه‌تا هه‌رێمێ یێن سنورێ پارێزگه‌هێ دابین بكه‌ت داكو بشێن باشتر خزمه‌تا وه‌لاتیان و ئاواره‌ و په‌نابه‌ران بكه‌ن و ده‌زگایێن حكومه‌تێ وه‌كو پێدڤی ب كارو ئه‌ركێن خو رابن ,