ئه‌ڤرو ئێڤاری به‌رێز (ئیسماعیل محه‌مه‌د ئه‌حمد )هاریكارێ پارێزگه‌رێ دهوكێ دهه‌ڤدیتنه‌كێ دا دگه‌ل (خافییر دیو ناڤارو ) به‌رپرسێ نڤیسینگه‌ها هه‌رێما كوردستانێ یا هاریكاریێن مروڤایه‌تی و سڤیلا یا سه‌رب كومسیونا ئێكه‌تیا ئه‌روپا ڤه كر ,
دهه‌ڤدیتنه‌كێ دا ب ئاماده‌بونا رێڤه‌به‌رێ جێبه‌جیكرنێ ل پارێزگه‌ها دهوكی یا سه‌رب ب كاروبارێن مروڤایه‌تی ( بورها ) ڤه به‌حسێ ره‌وش و سه‌روبه‌رێ ئاواره و په‌نابه‌را و پێدڤیێن كه‌مپێن پارێزگه‌ها دهوكێ هاته كرن ,
هاریكارێ پارێزگه‌رێ دهوكێ به‌حسێ پلان و به‌نامێن كارگێریا پارێزگه‌ها دهوكێ یێن خزمه‌تكرنا ئاواره و په‌نابه‌را كر و ئاماژه كره پێدڤیێن گرن گیێن كه‌مپان ل سنورێ پارێزگه‌ها دهوكێ ,
دلایه‌كێ دیێ هه‌ڤدیتنێ دا به‌حسێ چاوانیبا خو به‌رهه‌فكرنێ بو دورست كرنا هنده‌ك كه‌مپێن دی بو شه‌رێ ئازاد كرنا باژێرێ میسل بو هندێ ل ده‌مێ هاتنا ئاوارێن نوی جه یێ به‌رهه‌ڤ بیت ,
هاریكارێ پارێزگه‌رێ دهوكێ داكوكی ل وێ چه‌ندێ كر كو پێدڤیه كه‌مپ ل ده‌رڤه‌ی سنورێ پارێزگه‌ها دهوكێ بهێنه دورستكرن ژبه‌ر كو 22 كه‌مپ نوكه ل سنورێ پارێزگه‌هێ هه‌نه و ئێدی پارێزگه‌ها دهوكێ شیانێن حه‌واندنا چ ئاوارێن دی نه‌ما یه و شیان نینن هاریكاریا چ ئاوارێن دی بكه‌ت ,,
هه‌روه‌سا ته‌ئكید ل سه‌ر وێ چه‌ندێ كر پێدڤیه جڤاكێ نێڤ ده‌وله‌تی هاریكاریا پارێزگه‌ها دهوكێ دهنده‌ك پروژا دا بكه‌ت داكو بشێت به‌رده‌وام هاریكاریا ئاواره و په‌نابه‌را و خه‌لكێ خوژی بكه‌ت وه‌كو هاریكاری كرنا تمامكرنا نه‌خوشخانا ته‌نگاڤیا یا دهوك یا مایه نیڤه‌رو ئه‌ف دنه‌خوشخانه یا 300 ته‌ختی یه و دێ خزمه‌تا هه‌می خه‌لكێ ل سنورێ پارێزگه‌هێ ئاكنجی كه‌ت هه‌روه‌سا پروژێ ئاڤا چه‌م به‌ره‌كات كو دێ ئاڤێ هژماره‌كا كه‌مپا و باژێركێن دی یێن سنورێ دهوك دابین كه‌ت دیسان دبیاڤێ كاره‌بێ و پاقژیێ ژی دا پێدڤی ب هاریكاریێ هه‌یه.
