ئه‌ڤرو سپێدێ 7-7-2015به‌رێز اسماعیل محمد احمد هاریكارێ پارێزگه‌ری بو كاروبارێن ئاواره وپه‌ناهندا پێشوازیا (دومینیك بارج) جێگرێ هه‌ڤكارێ كاروبارێن مروڤایه‌تی یێ رێكخراوا(OCHA) ل ئیراقێ وشاندنێ دگه‌لدا كر.
دهه‌ڤدیتنه‌كێدا به‌حسێ ره‌وشا ئاواره وپه‌ناهندا ل سنورێ پارێزگه‌هێ وئه‌و كار وخزمه‌تێن ب رێكا پارێزگه‌هێ ورێكخراوێن UNوخێرخاز بو دهێنه پێشكێشكرن وكێم وكاسیێن ئاواره وپه‌ناهندان ل ناڤ وده‌رڤه‌ی كه‌مپان ب گشتی هاته كرن.
هاریكارێ پارێزگه‌ری بو كاروبارێن ئاواره وپه‌ناهندا دیاركركو هاتنا ڤێ ژمارا زور یا ئاواره وپه‌ناهندا بو سنورێ پارێزگه‌هێ فشاره‌كا مه‌زن ئێخستیه سه‌رهه‌موو سه‌كته‌رێن خزمه‌تكاری وه‌كو ئاڤ وكاره‌ب وپه‌روه‌رده وساخله‌میێ وخواست كو رێكخراوا(OCHA) فشارێ ل حكومه‌تا ئیراقێ وجڤاكێ ده‌وله‌تی بكه‌ت دا ئه‌وژی ب ئه‌ركێ خو رابن و
بهردهوام هاریكاریا ئاواره وپه‌نابه‌ران بكه‌ن ، هه‌روه‌سا بو شاندێ ناڤبری دیاركركو پارێزگه‌هێ شیانێن زێده‌تر یێن حه‌واندنا ئاواره‌یان نه‌ماینه وهه‌كه هات وخه‌لكێ موسل ژی ئاواره‌بونه پارێزگه‌هێ دڤێت رێكخراوا(OCHA) وسازیێن دی یێن UNوجڤاكێ ده‌وله‌تی هاریكاربن بو ڤی بابه‌تی.
جێگرێ هه‌ڤكارێ رێكخراوا(OCHA) سوپاسیا پارێزگه‌ها دهوكێ وهه‌موو سازیێن حكومه‌تا كوردستانێ وخه‌لكێ پارێزگه‌هێ كر ل دور پێشوازی وحه‌واندنا ئاواره‌یان وته‌كه‌ز كر كو دێ داخازێ ژجڤاكێ ده‌وله‌تی وسازیێن یو ئێنێ كه‌ن كو پتر هاریكاریا بو ئاواره وپه‌نابه‌ران ل هه‌رێما كوردستانێ ب تایبه‌تی ل سنورێ پارێزگه‌هێ بكه‌ن
