ئەڤرۆ سپێدێ رۆژا سێشەمبى 9/گولانا /2023 ێ ل ئوتێلا ریکسوس ب ئامادەبونا بەرێزان ساسان عەونى وەزیرێ باژێرڤانى وگەشت وگوزارێ و د.عەلى تەتەر پارێزگارێ دهۆکێ وچەند بەرپرس ورێڤەبەرێن ئیدارى یێن پەیوەندیدار ورکشوپەکا کارگێرى وپەرپێدانا شیانێن کارگێرى ژلایێ رێکخراوا (VNG) یا هولەندى هاتە ڤەکرن.
دناڤ بەرنامێن ورکشوپێدا پارێزگارێ دهۆکێ و وەزیرێ باژێرڤانیا وگەشت وگوزارێ وراوشکارێ فەرمانگەها هەماهەنگى ودووڤچونێ ل جڤاتا وەزیران وسەروکێ زانکویا دهۆکێ پەیڤ پێشکێشکرن وسوپاسیا رێکخراوا ناڤبرى کرن بو ڤەکرنا ڤان جورە ورکشوپا کو فەرمانگەهێن مە یێن نافخویى مفاى ژسەربورا وەلاتێن پێشکەفتى وەربگرن وخواست کو رێکخراوا (VNG) یا هولەندى بەردەوامیێ بدەتە ڤەکرنا ڤان جورە ورکشوپا وبەرهەڤیا سازیێن حکومەتا هەرێمێ دیارکر بو هەر هەڤکاریەکێ .
پاش رێڤەبەرا پرۆگرامێن رێکخراوا (VNG) یا هولەندى ل عیراقێ دپەیڤەکێدا ئارمانجا ورکشوپێ بەرچاڤکر وگوت: مە دوو وەلاتێ ژێگرتى نە کو مفا ژسەربورا وان یا کارگێرى وپەرپێدانێ بهێتە وەرگرتن ئەوژى وەلاتێن (هولەندا ولاتڤیا)نە وسەربورا وان دێ بەرچاڤکەین کومفا ژێ بهێتە وەرگرتن .
پاش بەرنامێن ورکشوپێ دەستپێکر وگەنگەشە ودان وستاندن ل سەر پەرەپێدانا کارگێرى هاتنە کرن.
هەژى گوتنێ یە پتر ژ(50) رێڤەبەرێن گشتى وراوشکاران پشکدارى ورکشوپێ بوون.
