ئه‌ڤروسپێدێ 20/6/ 2019 به‌رێز (نه‌وفه‌ل به‌ها‌و موسى ) وه‌زیرێ كوچ وكوچبه‌رێن حكومه‌تا ئیراقا فیدرال وشاندێ دگه‌لدا سه‌را كوچكا پارێزگه‌ها دهوكێ دا ژلایێ به‌رێزان به‌هزاد على ئاده‌م پارێزگه‌رێ دهوكێ ب وه‌كاله‌ت واسماعیل محمد احمد هاریكارێ پارێزگه‌رى بو كاروبارێن ئاواره وپه‌نابه‌ران پێشوازى لێ كرن.
دهه‌ڤدیتنه‌كێدا به‌حسێ ره‌وشا ئاواره وپه‌نابه‌ران ل سنورێ پارێزگه‌ها دهوكێ وئه‌و فشارا ئێخستیه سه‌ر هه‌موو سه‌كته‌رێن خزمه‌تكارى وئه‌و هاریكاریێن ب رێكا پارێزگه‌ها دهوكێ ورێكخراوێن خێرخاز ومروڤایه‌تى و وه‌زاره‌تا كوچ وكوچبه‌ران بو دهێته كرن ب گشتى هاته كرن.
پارێزگه‌رێ دهوكێ ب وه‌كاله‌ت بخێرهاتنا شاندێ وه‌زاره‌تا كوچ وكوچبه‌ران كر وته‌كه‌زكر كو دان وستاندن ل دور ره‌وشا ئاواره وپه‌نابه‌ران هاتنه كرن نوكه ل سنورێ پارێزگه‌ها دهوكێ پترژ 42هزار خێزانان دناڤ كه‌مپێن دا دژین وژڤێ ژمارێ پتر ژى ل ده‌رڤه‌ى كه‌مپا دژین وئه‌ڤ سه‌روبه‌ره دخوازیت كو هاریكاریا وان پتر بهێته كرن وته‌كه‌زكر كو ئه‌وا دشیان دابیت دێ پارێزگه‌ها دهوكێ هه‌ڤكاریێ دگه‌ل وه‌زاره‌وتا كوچ وكوچبه‌ران كه‌ت بو چاره‌سه‌ركرنا ئاریشێن ئاواره وپه‌نابه‌ران.
ژلایێ خوڤه وه‌زیرێ كوچ و كوچبه‌ران سوپاسیاحكومه‌تا هه‌رێما كوردستانێ وكارگێریا پارێزگه‌ها دهوكێ و خه‌لكێ پارێزگه‌هێ كر بو پشته‌ڤانى و حه‌واندنا رێژا مه‌زن یا ئاوارا سه‌ره‌رای كاودانێن ته‌نگاڤ وه‌كو شه‌رێ دژى داعش و به‌یدا بونا قه‌یرانا دارایى دیسان دیار كر كو لژنه‌كا بلند یا هه‌وار هاتنێ هاتیه پێك ئینان و ئه‌ندام ژ هه‌مى وه‌زاره‌تێن خزمه‌تگوزارى تێدا هه‌نه ژبێخه‌مه‌ت دیف چونا ئاریشه و گازنده و پێدڤیێن ئاوارا و هاندنا ئاوارا بو ڤه‌گه‌ریانێ بو سه‌ر جه و وارێن خو و دابینكرنا و رێك خوشكرن ڤه‌گه‌راندنێ و دیار كر كو حكومه‌تا ئێراقا فیدرال كوژمێ ئێك ملیون و 500 هزار دینار وه‌كو هاندان بو ڤه‌گه‌راندنا ئاوارا بو هه‌ر خێزانه‌كێ ته‌رخانكرینه یێن بڤێن ڤه‌گه‌رن ,
دلایه‌كێ دیدا وه‌زیرێ كوچ و كوچبه‌ران ئاماژه كر كو نوكه پێتر ژ 4 ملیون ئێراقیا كوچبه‌رن ل ده‌رڤه دژین و خودان شیان و باوه‌رنامێن بلندن و پێدڤیه كار بهێته كرن بو ڤه‌گه‌راندنا وان داكو خزمه‌تا وه‌لاتێ خو بكه‌ن و ئێراق پێدڤى ب شیانێن وانه .,.
دیڤدا كومبونه‌كا به‌رفره‌ه دگه‌ل رێڤه‌به‌رێن گشتى یێن خزمه‌تگوزارى یێن كاره‌ب و ساخله‌مى و په‌روه‌رده و باژێرڤانى و ئاڤێ هاته كرن ب ئاماده‌بونا شاندێ وه‌زاره‌تا كوچ كوچبه‌ران و لژنا بلند یا هه‌وار هاتنێ دكومبونێ دا به‌راهیێ وه‌زیرێ كوچ كوچبه‌ران ب كورتێ به‌حسێ ئارمانجا سه‌ره‌دانا خو و شاندێ دگه‌لدا بو پارێزگه‌ها دهوكێ كر و گوت ئه‌م یێن هاتین بو زانینا پێدڤى و كێم و كاسیان و گوهداریا ده‌زگایێن خزمه‌تگزاریێن پارێزگه‌هێ بكه‌ین بزانین چ پێدڤیه بهێته كرن بو خوشكرنا ژیارا ئاوارا و سڤك كرنا بارێ ده‌زگایێن خزمه‌تگوزارى یێن پارێزگه‌ها دهوكێ هه‌روه‌سا به‌رهه‌ڤبویان بوچون و پێشنیارێن خو دیار كر ژ بێخه‌مه‌ت سڤككرنا بارێ ژیانا ئاوارا و كێمكرنا گڤاشتنا ل سه‌ر ده‌زگایێن حكومه‌تا هه‌رێمێ ل سنورێ پارێزگه‌ها دهوكێ ,
