ل دوڤ راسپاردێن به‌رێز مه‌سرور بارزانى سه‌روكێ حكومه‌تا هه‌رێما كوردستانێ وژپێخه‌مه‌ت زانینا زیانێن له‌هیان یێن گه‌هشتینه خه‌لكێ پارێزگه‌ها دهوكێ ودوڤ چونا كارێ ژورا عه‌مه‌لیاتا یا به‌رهنگاربونا ڤایروسێ كورونا ئه‌ڤرو سپێدێ20-3-2020 به‌رێز رێبه‌ر احمد وه‌زیرێ نافخو یێ حكومه‌تا هه‌رێما كوردستانێ سه‌را پارێزگه‌ها دهوكێ دا ژلایێ به‌رێزان فه‌رهاد ئه‌مین ئه‌تروشى پارێزگه‌رێ دهوكێ وفه‌هیم عبدالله سه‌روكێ جڤاتا پارێزگه‌هێ وجێگرێ پارێزگه‌رى ب وه‌كاله‌ت وقایمقام ورێڤه‌به‌رێن فه‌رمانگه‌هێن په‌یوه‌ندیدار پێشوازى لێ هاته كرن.
پاش وه‌زیرێ نافخو یێ حكومه‌تا كوردستانێ سه‌رپه‌رشتیا كومبونه‌كا به‌رفره دگه‌ل لایه‌نێن په‌یوه‌ندیدار وژورا عه‌مه‌لیاتا یا به‌رهنگاربونا ڤایروسێ كورونا كر وب تێر وته‌سه‌لى به‌حسێ وان زه‌ره‌ر و زیان كر یێن كو ژئه‌نجامێ ئاڤ رابونان گه‌هشتیه خه‌لكێ پارێزگه‌هێ هه‌روه‌سا به‌حسێ كارێ ژورا عه‌مه‌لیاتا وچاوانیا بجه ئینانا رێنما وبریارێن حكومه‌تا هه‌رێمێ هاته كرن.
ل به‌راهیێ پارێزگه‌رێ دهوكێ بخێر هاتنا وه‌زیرێ نافخو وشاندێ دگه‌لدا كر وبناڤێ خو وخه‌لكێ پارێزگه‌هێ سوپاسیا سه‌روكێ حكومه‌تا هه‌رێمێ كر كو پێرابونێن باش كرینه ژبو به‌رهنگاریا ڤایروسێ كورونا هه‌روه‌سا سوپاسیا جه‌نابێ وى كر كو كوژمێ دوو ملیار دینارا ته‌رخانكرینه بو زیانڤێكه‌تفتیێن ئاڤ رابونا ل سه‌رانسه‌رى پارێزگه‌هێ هه‌روه‌سا سوپاسیا سه‌روكێ هه‌رێمێ كر كو جه‌نابێ ویژى ئێك ملیار دینار ته‌رخانكریه بو زیانڤێكه‌فتیان وئاماژه دا وان زه‌ره‌ر وزیانێن گه‌هشتینه وه‌لاتیان وجهێن خزمه‌تكارى ل هه‌ر قه‌زایه‌كێ هه‌روه‌سا ئاماژه دا كارێ روژانه یێ ژورا عه‌مه‌لیاتا وهه‌تا نوكه هه‌موو رێنما وبریارێن حكومه‌تا هه‌رێمێ وژورا عه‌مه‌لیاتا ب بره‌نگه‌كێ باش هاتینه‌بجهئینان وسوپاسیا خه‌لكێ پارێزگه‌هێ وده‌زگایێن ئێمناهیێ وتیمێن ته‌ندورستى كر بو پێگریا وان ب هه‌موو رێنما وبجه ئینانا بریارا.
پاش رێڤه‌به‌رێ گشتى یێ ساخله‌میێ راپورته‌ك ل دور پێرابونێن روژانه یێن تیمێن ته‌ندورستى ل هه‌مبه‌ر ڤایروسێ كورونا وكێم وكاسیێن تیمێن نوشدارى به‌رچاڤكر.
پاش جودا جودا هه‌ر قایمقامه‌كى وبه‌رهه‌بویێن كومبونێ ب ئامار وداتا زه‌ره‌ر وزیانێن سنورێ قه‌زایێن خو وپێدڤیێن رێڤه‌به‌ریا و ره‌وشا كه‌مپێن ئاواره و په‌نابه‌ران پێشكێشكرن.
وه‌زیرێ نافخو یێ حكومه‌تا هه‌رێمێ ته‌كه‌زكر كو ل دوڤ راسپاردێن سه‌روكێ حكومه‌تا هه‌رێمێ هاتیه دا ژنێزیك هایدارى ره‌وشا وان وه‌لاتیان ببیت یێن زیان گه‌هشتینێ ژئه‌نجامێ له‌هیا وجه‌نابێ وى دووملیار دینار ته‌رخانكرینه بو قه‌ربوكرنا وان هه‌روه‌سا گوت : ئه‌م هاتینه دا ژنێزیك دوڤ چونا كارێ ژورا عه‌مه‌لیاتا یا به‌رهنگاربونا ڤایروسێ كورونا بكه‌ین وهه‌موو پێدڤیێن وان دابینكه‌ین بو وێ یه‌كێ تیمێن كارى باشتر كارێ خو بكه‌ن وسلامه‌تیا وه‌لاتیان ب پارێزن.
پاش وه‌زیرێ نافخو یێ حكومه‌تا هه‌رێمێ وپارێزگه‌رێ دهوكێ سه‌را تاخێ سه‌رهلدان دا وژنێزیك سه‌حكره ره‌وشا وان هاولاتییان یێن له‌هى ب سه‌ر مالێن وان دا هاتین وسلاڤێن وسه‌رخوشیێن سه‌روكێ حكومه‌تا كوردستانێ به‌رێز مسرور بارزانى گه‌هاندنه هه‌موو لێقه‌ومیا تایبه‌تى مالباتێن وان دوو كه‌سێن گیانێ خو ژده‌ست داى وته‌كه‌زكر كو هه‌موو زیانڤێكه‌فتى دێ هێنه قه‌ربوكرن.
پاش وه‌زیرێ نافخو یێ حكومه‌تا هه‌رێمێ وپارێزگه‌رێ دهوكێ سه‌را تاخێ ركاڤا وبازارێ قه‌زا زاخو دا وژنێزیك هایدارى ره‌وشا خه‌لكێ وان ده‌ڤه‌را بوو.
پاش ل ئاڤاهیێ قایمقامیا قه‌زا زاخو كونگره‌كێ روژنامه‌ڤانى هاته ئه‌نجامدان لبه‌راهیێ پارێزگه‌رێ دهوكێ بناڤێ خو وخه‌لكێ پارێزگه‌هێ بخێر هاتنا وه‌زیرێ نافخو یێ حكومه‌تا هه‌رێما كوردستانێ كر هه‌روه‌سا سوپاسیا سه‌روكێ هه‌رێمێ وسه‌روكێ حكومه‌تا كوردستانێ كر كو كوژمێ سێ ملیار دیناران ته‌رخانكرینه بو قه‌ربوكرنا زیانڤێكه‌فتیان هه‌روه‌سا سه‌رخوشى ل مالباتێن وان وه‌لاتیان كر یێن ژبه‌ر له‌هیا گیانێ خو ژده‌ست داین.
پاش وه‌زیرێ نافخو یێ حكومه‌تا هه‌رێمێ سلاڤ ورێزێن سه‌روكێ حكومه‌تا هه‌رێمێ گه‌هاندنه هه‌موو خه‌لكێ زاخو وپارێزگه‌ها دهوكێ وگوت ئه‌م هاتینه راسپاردن ژپێش جه‌نابێ ویڤه كو ژنێزیك هایدارى ره‌وشا زیانڤێكه‌فتیا ببین و جه‌ژنا نه‌وروزێ ل هه‌مویان پیروزكر وخواست كو خه‌لك نه‌روزا خو دمالێن خو دا بكه‌ن بو وێ یه‌كێ ته‌ندورستیا گشتى یا وه‌لاتیان بهێته پاراستن .
هه‌روه‌سا گوت: نه‌خوشیا كورونا زوربه‌یا وه‌لاتێن جیهانێ ڤه‌گرتیه ونه‌خوشى گه‌هشتیه هه‌رێما كوردستانێ ژى مه وه‌كو حكومه‌تا كوردستانێ هه‌ر ژده‌ست پێكێ پیرابونێن توند وه‌رگرتینه بو به‌رهنگاربونا ڤێ نه‌خوشیێ وپاراستنا گیانێ وه‌لاتیان .
وه‌زیرێ نافخو یێ حكومه‌تا هه‌رێمێ ته‌كه‌زكر كو ڤێ نه‌خوشیێ نه بتنێ كارتێكرنێن خو یێن ته‌ندورستى هه‌نه به‌لكو كار تێكرن ل سه‌ر كه‌رتێ ئابورى ژى كریه وگوت ئه‌م وه‌كو حكومه‌ت یێ پلانه‌كێ ئاماده‌دكه‌ین بو كێمكرنا كارتێكرنا ڤێ نه‌خوشیێ ل سه‌ر هه‌موو سه‌كته‌را وب هاریكاریا خودێ وخه‌لكێ خو دێ ڤێ قوناغێ ژى ده‌ربازكه‌ین.
سه‌باره‌ت كه‌یسا وى حاله‌ت ڤایروسێ ئه‌وێ ل دهوكێ په‌یدابوى گوت: ئه‌م ب راستگویى وشه‌فافیه‌ت دێ ل سه‌ر بابه‌تى راوستین وسه‌روكێ حكومه‌تا كوردستانێ لیژنه‌ك پێك ئینایه دێ دووڤ چونا كه‌یسێ كه‌ن ویێن كێمتر خه‌مى كرى دێ هێنه سزادان.
وه‌زیرێ نافخو یێ حكومه‌تا هه‌رێمێ سوپاسیا پارێزگه‌رێ دهوكێ وژورا عه‌مه‌لیاتا وهه‌موو نوشدار وتیمێن ته‌ندورستى وده‌زگه‌هێن ئێمناهیێ وخه‌لكێ پارێزگه‌هێ كر كو ب ره‌نگه‌كێ رێك وپێك هه‌موو رێنما وبریارێن حكومه‌تا كوردستانێ وژورا عه‌مه‌لیاتا یا به‌رهنگابونا ڤایروسێ كورونا بجهئیناینه .
ل دور له‌هیان ژى گوت: ئه‌م ل دوڤ راسپاردێن سه‌روكێ حكومه‌تا هه‌رێما كوردستانێ هاتینه دهوك وزاخو دا ژنێزیك ره‌وشا زیانڤێكه‌فتیێن له‌هیا ببینین و جه‌نابێ وى دوو ملیار دینار ته‌رخانكریه بو قه‌ره‌بوكرنا وان .
پاش روژنامه‌ڤانان چه‌ند پسیار ل دور ه‌روشا نوكه یا هه‌رێمێ وپارێزگه‌هێ ئاراسته‌ى وه‌زیرێ نافخو یێ حكومه‌تا هه‌رێمێ كرن وبه‌رسڤ ل سه‌ر هه‌موو پرسان هاتنه دان.
