ئەڤرۆ رۆژا ئێک شەمبی رێکەفتی ٢٠٢٠/١١/١٥، بەرێز “کەمال محەمەد سالح” وەزیرێ کارەبێ یێ حکۆمەتا ھەرێما کوردستانێ و بەرێز “د.عەلی تەتەر” پارێزگارێ دھۆکێ سەرەدانا پرۆژێ ھێلا راکێشانا ١٣٢ کەیڤی یا بەرھەم ئینانا کارەبا گشتی ژ کواشێ بۆ تلکەبەرێ کر.
دسەرەدانەکا مەیدانی دا وەزیرێ کارەبێ و پارێزگارێ دھۆکێ ب بەرھەڤبوونا رێڤەبەرێ گشتی یێ کارەبا پارێزگەھا دھۆکێ ب وەکالەت و دەڤەردارێ قەزا زاخۆ ژ نێزیک ئاگەھداری قۆناغێن بجھئینانا پرۆژێ ناڤبری بوون، کو ب درێژاھیا ٥٠ کیلۆمەتران ل ویستگەھا زاخۆ ٢ و ب کۆژمێ ٩,٦ ملیۆن دۆلاران ژلایێ حکۆمەتا ھەرێما کۆردستانێ ڤە دھێتە بجھئینان.
