پارێزگارێ دهوكێ لایه‌نێن په‌یوه‌ندیدار راسپاردن بو چاره‌سه‌ركرنا وان هێلێن ئاڤێ یێن ب رێكن جودا و ب زێده‌گاڤی ژ سكرێ دهوكێ هاتینه‌ كێشان

پشتی رێڤه‌به‌ریا سكرێ دهوكێ لدور وان هێلێن ئاڤێ یێن ب زێده‌گاڤی ژ سكرێ دهوكێ هاتینه‌ كێشان چه‌ند پێشنیار داینه‌ پارێزگارێ دهوكێ ئه‌ڤرو رێكه‌فتی ٢٠٢٢/٨/٤ روژا پێنجشه‌مبی لسه‌ر راسپاردا به‌رێز” د.عه‌لی ته‌ته‌ر ” پارێزگارێ دهوكێ و ب سه‌رپه‌رشتیا به‌رێز ” شمعون شلیمون ایشو ” جێگرێ پارێزگارێ دهوكێ و ب ئاماده‌بونا به‌رێزان ” ئه‌ندازیار فرهاد محمد طاهر ” رێڤه‌به‌رێ رێڤه‌به‌ریا سكرێ دهوكێ و رێڤه‌به‌رێن ناحیا زاویته‌ و ئاڤا دهوكێ و نونه‌رێن رێڤه‌به‌ریێن چاندنێ و پولیسا و قایمقامیا دهوكێ كومبونه‌ك هاته‌ ئه‌نجامدان

دكومبونێدا به‌حسێ چه‌ند ئاریشێن سكرێ دهوكێ هاته‌ كرن ب تایبه‌ت ئاریشا كێشانا هێلێن ئاڤێ یێن ب زێده‌گاڤی ب رێكا ماتورا یان ” غطاس”ا بو ره‌زا و بیستانا و باغچێن تایبه‌ت هاتینه‌ كێشان, پاش لایه‌نێن هاتینه‌ راسپاردن بریاردا هه‌می ئه‌و هێلێن هاتینه‌ كێشان بهێنه‌ راكرن و به‌روڤاژی ڤێ تا رێكه‌فتی ٢٠٢٢/٩/١ هه‌ر وه‌لاتیه‌كێ پێگیرنه‌بیت دێ رێكارێن یاسایی دگه‌لدا هێنه‌ ئه‌نجامدان.