ئه‌ڤرۆ نیڤرۆ رۆژا دووشه‌مبى 15/ 8/2022 ل هولا خێراڤا ل كومه‌لگه‌ها خانكێ ب چاڤدێریا به‌رێز د.عه‌لى ته‌ته‌ر پارێزگارێ دهۆكێ وب ئاماده‌بونا خه‌لیل محمود ده‌ڤه‌ردارێ سێمێلێ وچه‌ند به‌رپرسێن حكومى وحزبى ورى سپى وماقولێن ده‌ڤه‌رێ رێ ورسمێن ڤه‌كرنا ناوچه‌داریا خانكێ هاتنه گێران.
لبه‌راهیێ شێردل سمو جوقى رێڤه‌به‌رێ ناوچه‌داریا خانكێ دپه‌یڤه‌كێدا بخێر هاتنا هه‌موو به‌رهه‌ڤبویان كر وپیروزباهیا خه‌لكێ ده‌ڤه‌رێ كر وسوپاسیا سه‌روكێ حكومه‌تا هه‌رێما كوردستانێ مه‌سرور بارزانى كر كو ئه‌ڤ بریاره دایه وكومه‌لگه‌ها خانكێ كریه ناوچه‌دارى وته‌كه‌زكر كو پشتى خانكێ بویه ناوچه‌دارى دێ باشتر خزمه‌تا خه‌لكێ كومه‌لگه‌ه وگوندێن ناوچه‌داریێ هێته كرن.
پاش پارێزگارێ دهۆكێ دپه‌یڤه‌كێدا گوت: كومه‌لگه‌ها خانكێ ل سه‌ر بریارا سه‌روكێ حكومه‌تا هه‌رێما كوردستانێ بویه ناوچه‌دارى وته‌كه‌زكر كو ل ئاینده‌ى گه‌له‌ك خزمه‌تگوزارى وپرۆژێن ستراتیجى دێ لڤێ ناوچه‌داریێ هێنه ئه‌نجامدان چونكو ده‌ڤه‌ره‌كه جهێ پێكڤه ژیانا ئولى ونه‌ته‌وه‌یى یه وزور یا گونجایه بو پرۆژێن وه‌به‌رهێنانێ یێن چاندنێ وگه‌شتوگوزارى وپیروزباهیا خه‌لكێ ده‌ڤه‌رێ كر وبه‌رهه‌ڤیا پارێزگه‌هێ نیشان دا بو هه‌ر هاریكاریه‌كێ.
پاش ب فه‌رماى ئاڤاهیێ ناوچه‌داریا خانكێ هاته ڤه‌كرن.
هه‌ژى گوتنێ یه كومه‌لگه‌ها خانكێ ل ساڵا 1985 هاتیه ئاڤاكرن نوكه سه‌رژمێریا خه‌لكێ وێ دگه‌هیته پتر ژ25هزار كه‌سا و15گوند وكومه‌لگه‌ها بخوڤه دگریت .
