ئه‌ڤرۆ پشتى نیڤرۆ رۆژا سێشه‌مبى ٢٠٢٢⁄٩⁄٢٠ ل كوچكا پارێزگه‌هێ به‌رێز ماجد سه‌ید صالح پارێزگارێ دهۆكێ ب وه‌كاله‌ت پێشوازیا به‌رێزان (مارك ڤارگا) بالیوزێ وه‌لاتێ سلوڤاكیا ل عیراقێ و كونسلێ فه‌خرى یێ سلوڤاكیا ل هه‌ولێرێ وشاندێ دگه‌لدا كر.
دهه‌ڤدیتنه‌كێدا به‌حسێ په‌یوه‌ندیێن دوو قولى دناڤبه‌را هه‌رێما كوردستانێ و ده‌وله‌تا سلوڤاكیا دبیاڤێ ئاڤ وئاڤ روویا وپه‌روه‌ردێ وساخله‌میێ ورولێ رێكخراوێن سلوڤاكى ئه‌وێن ل هه‌رێمێ وسنورێ پارێزگه‌ها دهۆكێ كاردكه‌ن وئاریشا هشكه سالیێ وكارتێكرنا وێ ل سه‌رچاندنێ ب گشتى هاته كرن.
پارێزگارێ دهۆكێ ب وه‌كاله‌ت بناڤێ خو وپارێزگارێ دهۆكێ بخێرهاتنا شاندى كر وخوشحالیا خو دیاركر هه‌مبه‌ر په‌یوه‌ندیێن هه‌ردوو لایه‌نان وسوپاسیا ده‌وله‌تا سلوڤاكیا كر ل دور ئه‌و پرۆژێن خزمه‌تگوزارى ئه‌وێن ل پارێزگه‌هێ ئه‌نجامده‌ن وخواست ئاستێ وان هاریكاریا وپه‌یوه‌ندیان پتر لێ بهێن.
بالیوزێ وه‌لاتێ سلوڤاكیا ل عیراقێ ته‌كه‌زكر كو كو ئه‌و دێ پتر گرنگیێ ده‌نه پرۆژێن خزمه‌تگوزارى نه‌خاسمه پرۆژێن ساخله‌میێ و مه‌شقدانا بسپورێن چاندنێ وشاره‌زایێن دورستكرنا سكرێن ئاڤێ.
هه‌ژى گوتنێ یه رێكخراوێن سلوڤاكى چه‌ند پرۆژێن ئاڤێ ل ده‌ڤه‌رێن جودا جودا ل پارێزگه‌هێ چێكرینه وبریار ئه‌وه دچارچوڤێ سه‌ره‌دانێدا راده‌ستى لایه‌نێن په‌یوه‌ندیدار كه‌ن.
