ئه‌ڤرو سپێدێ 15/2/2021 د.على ته‌ته‌ر پارێزگارێ دهۆكێ پێشوازیا (جودت نجار) به‌رپرسێ باده‌كا پێكهاته‌یان ل باره‌گایێ سه‌روك بارزانى وشاندنێ دگه‌لدا كر.
دهه‌ڤدیتنه‌كێدا به‌حسێ ره‌وشا خه‌لكێ پارێزگه‌ها دهۆكێ وكلتورێ پێكڤه ژیانێ دناڤبه‌را هه‌موو ئول ونه‌ته‌وه وپێكهاته‌یان دا وكار وپرۆژێن حكومه‌تا هه‌رێما كوردستانێ ئه‌وێن ب یه‌كسانى ل گوند وناوچه وده‌ڤه‌رداریا دهێنه ئه‌نجامدان ب گشتى هاته كرن .
پارێزگارێ دهۆكێ خوشحالیا خو ب سه‌ره‌دانێ دیاركر وگوت: ئه‌م وكو پارێزگه‌ها دهۆكێ ب یه‌كسانى ته‌ماشه‌ى هه‌موو پێكهاته‌یێن ده‌ڤه‌رێ دكه‌ین وبێ جوداهى پرۆژه وخزمه‌تگوزاریا بو هه‌موو هاولاتیێن پارێزگه‌هێ پێشكێشدكه‌ین هه‌روه‌سا به‌ره‌ڤانیێ ژمافێن هه‌موویان دكه‌ین چونكو پێكهاته‌یێن پارێزگه‌هێ ب سه‌دان ساڵه لڤى وه‌ڵاتى ب هه‌ڤره دژین وپشته‌ڤانیا كارگێریا پارێزگه‌هێ نیشان دا بو هه‌ر هاریكاریه‌كێ بو چاره‌سه‌ركرنا هه‌ر ئاریشه‌كا بهێته پێش .
ژلایێ خوڤه به‌رپرسێ باده‌كا پێكهاته‌یان ل باره‌گایێ سه‌روك بارزانى دیاركر كو ل دوڤ راسپاردن سه‌روك بارزانى ئه‌م دووڤ چونا هه‌موو ئاریشه‌یێن پێكهاته‌یان ل هه‌رێمێ دكه‌ین وكارێ راوشكاریێ بو چاره‌سه‌ركرنا ئاریشێن پێكهاته‌یان ل هه‌رێمێ دكه‌ین وده‌ست خوشى ل پارێزگارێ دهۆكێ وسازیێن په‌یوه‌ندیدار كر بو به‌لاڤكرنا كلتورێ برایه‌تى وپێكڤه ژیانێ ل سنورێ پارێزگه‌ها دهۆكێ.
