ئه‌ڤرۆ سپێدێ 22/12/2020 به‌رێز د.على ته‌ته‌ر پارێزگارێ دهۆكێ سه‌را رێڤه‌به‌ریا شونوارێن دهۆكێ دا ژلایێ (د.حسن احمد قاسم) رێڤه‌به‌رێ فه‌رمانگه‌ها ناڤبرى پێشوازى لێ هاته كرن.
ل ده‌ستپێكێ پارێزگارێ دهۆكێ ژنێزیك سه‌حكره وێ پارچا شونوارى یا كو دوهى 21-12-2020 رێڤه‌به‌ریا شونوارا راگه‌هاندى كو ئه‌وژى نه‌خشه‌به‌ره‌كه مێژویا وى ڤه‌دگه‌ریت بو چه‌رخێ زه‌ره‌ده‌شتیان پاش گه‌ریانه‌ك ل ناڤ موزه‌خانا رێڤه‌به‌ریا شوونوارا كر وژنێزیك سه‌حكره ئه‌و شوونوارێن دناڤا موزه‌خانێدا هاتینه پاراستن.
پارێزگارێ دهۆكێ ده‌ست خوشى ل رێڤه‌به‌ر وتیمێ كارى یێ رێڤه‌به‌ریا شونوارا كر وئه‌و خزمه‌تا ئه‌نجامده‌ن و ته‌كه‌زكر كو شونوار سامانه‌كێ نیشتمانى ونه‌ته‌وه‌یێ گرنگێ كوردستانێ یه دڤێت باش بهێنه پاراستن.
هه‌ژى گوتنێ یه پتر ژ(4000) چار هزار پارچه شونوار و (500) پێنچ سه‌د تابلویێن نڤێسینێن مسمارى یێن نه‌وه‌رگێراى دناڤا موزه‌خانا رێڤه‌به‌ریا شونواراندا هاتینه پاراستن.
