ئه‌ڤرۆ پشتى نیڤرۆ رۆژا پێنچشه‌مبى 24/ 11/2022 به‌رێز د.عه‌لى ته‌ته‌ر پارێزگارێ دهۆكێ هه‌ڤدیتنه‌ك دگه‌ل سه‌روك وده‌سته‌یا كارگێرى یا یانا سه‌نحاریب یا ڤولى بۆل وباسكتبۆلێ سازكر.
دهه‌ڤدیتنێدا پارێزگارێ دهۆكێ پیروزباهى وده‌ست خوشى ل كارگێریا یانا سه‌نحاریب یا ڤولى بۆل وباسكتبۆلێ كر وگوت : بو مه وه‌كو خه‌لكێ پارێزگه‌ها دهۆكێ جهێ شانازى وسه‌ربلندیێ یه كو یانا سه‌نحاریب یا ڤولى بۆل وباسكتبۆلێ ل پارێزگه‌هێ شیایه پلا ئێكێ بده‌ستڤه بینیت لسه‌ر ئاستێ عیراقێ وئه‌ڤه ده‌ستكه فته‌كێ مه‌زنه بو هه‌موو خه‌لكێ ده‌ڤه‌رێ وهیڤى خاستن كو یانا سه‌نحاریب ل قاره‌مانیێن بهێت بشێت پتر خو ئاڤاكه‌ت و ده‌ستكه‌فتێن باشتر بده‌ستڤه‌بینیت وداخازا سه‌ركه‌فتن وپێشڤه‌چونێ بو كر.
هه‌ر بڤێ هه‌لكه‌فتێ پارێزگارێ دهۆكێ خه‌لاته‌كێ رێزگرتنێ پێشكێشى كارگێریا یانا سه‌نحاریب كر.
ژلایێ خوڤه سه‌روكێ یانا سه‌نحاریب مام داود بناڤێ كارگێریا یانێ سوپاسیا پارێزگارێ دهۆكێ كر ل دور ئه‌و گرنگیا ب وه‌رزش وتیمێن وه‌رزشى ل پارێزگه‌هێ ده‌ت وخواست كو پارێزگارێ دهۆكێ به‌رده‌وام پشته‌ڤانیا یانا سه‌نحاریب بكه‌ت دا بشێن ئه‌نجامێن باشتر بده‌ستڤه بینن.
هه‌ژى گوتنێ یه یانا سه‌نحاریب یا ڤولى بۆل وباسكتبۆلێ دوه‌رزێ ئه‌ڤ ساله‌دا شیایه پلا ئێكێ ل سه‌ر ئاستێ عیراقێ دیارێن ڤولى بۆل وباسكتبۆلێ بده‌ستڤه بینیت .
