هه‌ر دچارچوڤێ سه‌رادانا ناوچه‌داریا كانى ماسێ دا ئه‌ڤرۆ نیڤرو 17/ كانوونا دووێ /2023 به‌رێز د.عه‌لى ته‌ته‌ر پارێزگارێ دهۆكێ وب ئاماده‌بونا به‌رێزێن دگه‌لدا سه‌را كومه‌لگه‌ها ده‌روازێ نیڤ ده‌وله‌تى سه‌ر زێرى دا ژلایێ عرفان سلێمان رێڤه‌به‌رێ كومه‌لگه‌هێ پێشوازى لێ هاته كرن.
پاش پارێزگارێ دهۆكێ گه‌ریانه‌ك ل ناڤ كومه‌لگه‌هێ كر وژنێزیك سه‌حكره ره‌وشا ده‌روازه‌ى وهاتن وچونا هاولاتیێن سه‌را تركیا ده‌ن وئه‌وێن قه‌ستا هه‌رێما كوردستانێ دكه‌ن .
پارێزگارێ دهۆكێ دیاركر كو حكومه‌تا هه‌رێما كوردستانێ به‌رده‌وام هه‌ولدانا دكه‌ت كو هاتن وچون ل ده‌روازه‌ى یا خوش وئاسایى بیت وته‌كزكر كو ل نێزیك دێ ده‌ست ب چێكرنا پشكه‌كا گرنگ یا رێكا ده‌روازه‌ى هێته كرن دا هاتن وچون وبزاڤا بازرگانى خوشتر لێ بهێت.
هه‌ژى گوتنێ یه حكومه‌تا هه‌رێما كوردستانێ پلان دانایه كو 20كم رێكا كومه‌لگه‌ها ده‌روازێ سه‌ر زێرى بهێته به‌رفه‌رهكرن وببیته جوت ساید ونوكه وه‌كو ده‌ست پێك هه‌شت كم دقوناغا ته‌نده‌رى دایه ودێ ژتروانش هه‌تا سه‌رزێرى هێته چێكرن ول قوناغا دوڤدا پارچا ماى دێ هێته چێكرن و(43) ملیار دینار بو چێكرنا هه‌موو رێكێ هاتینه ته‌رخانكرن.
