بو دویڤچوونا ره‌وشا ساخله‌میا هونه‌رمه‌ندێ بەرنیاس “حه‌سه‌ن عه‌لى خه‌نجه‌ر” ئه‌ڤرۆ ئێڤارى رۆژا چارشه‌مبى 11ی كانوونا دووێ 2023 به‌رێز “د.عه‌لى ته‌ته‌ر” پارێزگارێ دهۆكێ دگه‌لدا رێڤه‌به‌رێ گشتى یێ ساخله‌میێ و رێڤه‌به‌رێ گشتى یێ ره‌وشه‌نبیرى وهونه‌رى وسه‌روكا سه‌ندیكا هونه‌رمه‌ندێن کوردستانێ سه‌را نه‌خوشخانا ئازادى دان وژنێزیك هایدارى ره‌وشا هونه‌رمه‌ندێ بەرنیاس”حه‌سه‌ن عه‌لى خه‌نجه‌ر “بوون.
پارێزگارێ دهۆكێ سلاڤورێزێن سه‌روك بارزانى وسه‌روكێ حكومه‌تا هه‌رێما كوردستانێ گه‌هاندنه هونه‌رمه‌ند “حه‌سه‌ن عه‌لى خه‌نجه‌ر” و ژخودایێ مه‌زن خواست كو شیفایه‌كا بله‌ز بو ناڤبرى فرێكه‌ت هه‌روه‌سا هه‌موو نوشدار و لایه‌نێن په‌یوه‌ندیدار راسپاردن كو ئه‌وا دشیان دابیت بو بهێته كرن وبه‌رهه‌ڤیا پارێزگه‌هێ نیشان بو هه‌ر هاریكاریه‌كێ .
هه‌ژى گوتنێ یه هونەرمەند “حه‌سه‌ن عه‌لى خه‌نجه‌ر” ل سه‌ر ئاستێ هه‌ر چار پارچێن كوردستانێ یێ به‌رنیاسه وب سه‌دان سترانێن گه‌له‌رى وداستانێن خه‌بات ومێژویا گه‌لێ كورد گوتینه وبه‌ڵاڤكریه ودوهى رێكه‌فتى 10-1-2023توشى جه‌لته‌كا مێشكى بویه ونوكه ره‌وشا وى یاجێگیره وچاره‌سه‌ریا وى ل نه‌خوشخانا ئازادى ل دهۆكێ دهێته كرن.
