بو دووڤ چونا ره‌وشا ساخله‌میا هاولاتى (عبدالرحمن احمد) ئه‌ڤرۆ پشتى نیڤرۆ رۆژا سێشه‌مبى 10/ 5/2022 به‌رێز د.عه‌لى ته‌ته‌ر پارێزگارێ دهۆكێ سه‌را نه‌خوشخانا لالاڤ یا تایبه‌ت ب نه‌خوشیا كورونایێ ل ناوچه‌داریا فه‌یدیێ دا ژلایێ د.ئه‌فراسیاب موسا رێڤه‌به‌رێ گشتى یێ ساخله‌میێ ل پارێزگه‌هێ ورێڤه‌به‌ر وستافێ نه‌خوشخانێ پێشوازى لێ هاته كرن.
پاش پارێزگارێ دهۆكێ ژنێزیك سه‌حكره ره‌وشا ساخله‌میا هاولاتى (عبدالرحمن احمد) كودوماهى نه‌خوشێ كورونایێ یه ل نه‌خوشخانا ناڤبرى مایه وپترى پێنچ مه‌هایه چاره‌سه‌ریێ وه‌ردگریت.
پارێزگارێ دهۆكێ گوت: جهێ خوشحالیێ یه نه‌خوشیا كورونایێ كێمبویه ول دووڤ راسپاردێن به‌رێز مسرور بارزانى سه‌روكێ حكومه‌تا هه‌رێما كوردستانێ ئه‌م هاتینه دا ژنێزیك سه‌حكه‌ینه ره‌وشا مام عبدالرحمن ویا دشیاندابیت چ وه‌كو حكومه‌ت چ وه‌كو پارێزگه‌ه دێ بو خێزانا وى هاریكاریێ پێشكێشكه‌ین هه‌روه‌سا دگه‌ل نوشدارێن رێڤه‌به‌ریا گشتى یا ساخله‌میێ دێ یا پێدڤى بو نه‌خوشى ئه‌نجامده‌ین وداخازا سلامه‌تى بو ناڤبرى وهه‌موو نه‌خوشا كر.
پارێزگارێ دهۆكێ ته‌كه‌زكر كو هێشتا مه‌ترسیا نه‌خوشیا كورونایێ ب دوماهى نه‌هاتیه وداخازكر كو هاولاتى به‌رده‌وام پێگرى ب رێنمایێن ته‌ندورستى بكه‌ن دا ژنه‌خوشییێ بهێنه پاراستن.
