ئه‌ڤرو ئێڤارى 29/11/2021 به‌رێز د.على ته‌ته‌ر پارێزگارێ دهۆكێ سه‌را گه‌له‌ریا دهۆك دا ژلایێ به‌رێز ئه‌میر على رێڤه‌به‌رێ گشتى یێ ره‌وشه‌نبیرى وهونه‌رى ل پارێزگه‌هێ ورێڤه‌به‌ر وكارمه‌ندێن گه‌له‌ریا دهۆك وچه‌ند هونه‌رمه‌ندان پێشوازى لێ هاته كرن .
پاش پارێزگارێ دهۆكێ ژنێزیك سه‌حكره پێشانگه‌ها شێوه‌كارى یا هونه‌رمه‌ندێن كوردستانێ ئه‌وا لژێر ناڤێ (ره‌نگێن پێكڤه ژیانێ )هاتیه ئاماده‌كرن.
بڤێ هه‌لكه‌فتێ پارێزگارێ دهۆكێ بناڤێ حكومه‌تا هه‌رێمێ وكارگێریا پارێزگه‌هێ پیروزباهى وده‌ست خوشى ل هه‌موو هونه‌رمه‌ندێن پشكدار كر وپه‌سنا رولێ وان كر بو هه‌لبژارتنا بابه‌ت وتابلویێن دناڤ پێشانگه‌هێدا هاتینه نیشان دان وگوت: هه‌موو تابلو ب ره‌نگێن جوان وسه‌رنجراكێش هاتینه به‌رهه‌ڤكرن وده‌ربرینێ ژ یه‌كسانی ومروڤایه‌تى وپێكڤه ژیانێ وبابه‌تێن سروشتى وئاشوپى و كومه‌لایه‌تى دكه‌ن .
پارێزگارێ دهۆكێ ئه‌و یه‌ك ژى گوت:هه‌موو هونه‌رمه‌ندێن پشكدار بابه‌تێن باش هه‌لبژاتینه وبه‌رهه‌مێن وان ژهونه‌رمه‌ندێن بیانى كێمتر نینن وهه‌ر ده‌ما شیانێن پێدڤى بكه‌ڤنه به‌رده‌ستێ وان ئه‌و دشێن كاروبه‌رهه‌مێن باشتر چێكه‌ن وبده‌ستڤه بینن وسه‌ركه‌فتن بو هه‌موو پشكدارا خواست.
هه‌ژى گوتنێ یه (26) هونه‌رمه‌ندێن شێوه‌كارى ژهه‌موو پارێزگه‌هێن هه‌رێمێ ب (77) تابلویێن ره‌نگا وره‌نگ پشكدارى دناڤ پێشانگه‌هێدا كریه ، پێشانگه‌ها ب هاریكاریا رێڤه‌به‌رى یا گشتى یا ره‌وشه‌نبیرى وهونه‌رى ل پارێزگه‌ها دهۆكێ ورێڤه‌به‌ریا هونه‌رێ شێوه‌كارى گه‌له‌رى دهۆك ورێكخراوا ره‌نج یا هونه‌رى هاتیه رێكخستن وبو ده‌مێ دوو رۆژا دێ به‌رده‌وامبیت.
