ئه‌ڤرو پشتى نیڤرو 25 /12/2021 به‌رێز د.على ته‌ته‌ر پارێزگارێ دهۆكێ ودگه‌لدا سه‌ردار شێخ یه‌حیا ده‌ڤه‌ردارێ شێخان سه‌را گوندێ شێخكا دا وپشكدارى دبه‌هیا كه‌سو وكارێن روودانا شڤێدى چێبوى ل سه‌ر جادا گشتى دناڤبه‌را ناوچه‌داریا ئه‌لقوش وگوندێ شێخكا دا كر ، كو (5) هاولاتیان ژئێك خێزان ب روودانه‌كا ترافیكێ گیانێ خۆ ژده‌ستدابوو.
بڤێ هه‌لكه‌فتا دلته‌زین پارێزگارێ دهۆكێ بناڤێ خۆ وكارگێریا پارێزگه‌هێ ویێن دگه‌لدا سه‌ره‌خوشى گه‌هاندنه كه‌س وكارێن قوربانیان وهه‌ڤخه‌میا خو ب وانرا گه‌هاند وژخودێ خواست كو جهێ قوربانیا بكه‌ته به‌هه‌شتا به‌رین وسه‌بر وهه‌دارێ بده‌ته مالباتا وان وسلامه‌تى بو بریندارێن بویه‌رێ خواست .
ناڤێن قوربانیێن روودانێ كو ل شه‌ڤا 24ل سه‌ر 25-12-2021 پێنچ كه‌سا ژئێك خێزان گیانێ خو ژده‌ستدابوو ئه‌ڤه‌بوون(نازك هاشم – كاروان حجى مراد – شكرى مراد – ئه‌سمیهان ده‌رمان – ئه‌یهان رشو مراد)هه‌روه‌سا سێ هاولاتیێن دن ژى بریندارببون.
