ئه‌ڤرو پشتى نیڤرو 15/2/2021 ل كوچكا مێهڤانداریا به‌رێز د.على ته‌ته‌ر پارێزگارێ دهۆكێ پێشوازیا (ستیگ پاولۆ) بالیوزێ وه‌لاتێ دانیمارك ل عیراقا فیدرال كر .
دهه‌ڤدیتنه‌كێدا به‌حسێ په‌یوه‌ندیێن دێرین دناڤبه‌را هه‌رێما كوردستانێ و ده‌وله‌تا دانیمارك وچاوانیا پێشئێخستنا ئاستێ وان په‌یوه‌ندیان ژهه‌موو رویه‌كیڤه هاته كرن .
دته‌وه‌ره‌كێ دن دا به‌حسێ ره‌وشا گشتى یا پارێزگه‌هێ وئه‌و پێشكه‌فتنا ده‌ڤه‌رێ بخوڤه دیتى و ره‌وشا گه‌شت وگوزارێ وپلانێن كارگێریا پارێزگه‌هێ بو پێشئێخستانا كه‌رتێ ناڤبرى ومفا وه‌رگرتن ژسه‌ربورا وه‌لاتێن گه‌شتیارى هاته كرن.
پارێزگارێ دهۆكێ په‌سنا رولێ وه‌لاتێ دانیمارك وده‌وله‌تێن ئه‌سكه‌نده‌ناڤى كر ژبو حه‌واندنا په‌نابه‌رێن كورد پشتى ئه‌نفالێن سالا 1988 وگوت: ئه‌م كورد قه‌نجیا وان وه‌لاتان ژبیرناكه‌ین وئه‌و جهێ رێزنه ل ده‌ف مه وخواست كو روژ بو روژێ په‌یوه‌ندى دناڤبه‌را هه‌رێمێ ودانیمارك دا پێشبكه‌ڤن.
ژلایێ خوڤه بالیوزێ دانیمارك ل عیراقێ خوشحالیا ب وێ پێشكه‌فتنێ دیاركر ئه‌و هه‌رێما كوردستانێ بخوڤه دیتى ودیاركر كو كورد ملله‌ته‌كێ زیندى و هه‌ڤال دوستن هه‌روه‌سا كه‌سانێن زیره‌ك وشاره‌زا وخودان شیان دناڤدا هه‌نه وگوت: ئه‌م وه‌كو خه‌لكێ دانیمارك ب چاڤێ رێزگرتنێ سه‌حدكه‌ینه كوردان نه‌خاسمه ئه‌وێن ل دانیمارك دژین وبوینه وه‌لاتیێن خوجهێن به‌رده‌وام.
