ئه‌ڤرۆ ئێڤارى رۆژا سێشه‌مبى 7/ شوباتا /2023 ل كوچكا مێهڤانداریا به‌رێز د.عه‌لى ته‌ته‌ر پارێزگارێ دهۆكێ هه‌ڤدیتنه‌ك دگه‌ل خانم ( رۆزى كه‌یف) كونسلا وه‌لاتێ بریتانیا ئه‌نجامدا.
دهه‌ڤدیتنێدا به‌حسێ په‌یوه‌ندیێن دوو قولى دناڤبه‌را هه‌رێما كوردستانێ و بریتانیا وره‌وشا پارێزگه‌هێ ژرویێ خزمه‌تگوزارى وئه‌منى ڤه وره‌وشا ئاواره وپه‌نابه‌ران ل سنورێ پارێزگه‌هێ وئاریشا بێكاریێ وكارتێكرنا هشكه سالیێ ل سه‌ر كه‌رتێ چاندنێ ب گشتى هاته كرن.
دته‌وه‌ره‌كێ دن دا به‌حسێ كلتورێ پێكڤه ژیانا ئولى ونه‌ته‌وه‌یى لپارێزگه‌هێ وهه‌ولێن حكومه‌تا هه‌رێمێ ژبو خورتكرنا گیانێ برایه‌تى وهه‌ڤدوو قه‌بولكرنێ دناڤبه‌را هه‌موو پێكهاته‌یێن ده‌ڤه‌رێ دا هاته كرن.
ل دوماهیێ پارێزگارێ دهۆكێ وكونسلا بریتانیا داكوكى ل سه‌ر خورتكرنا په‌یوه‌ندیێن دوو قولى دهه‌موو واران دا كر.
