ئه‌ڤرۆ ئێڤارى 22/12/2020 ل كوچكا مێهڤانداریا به‌رێز د.على ته‌ته‌ر پارێزگارێ دهۆكێ پێشوازیا به‌رێز (هاكان كاراجاى) كونسلێ گشتى یێ وه‌ڵاتێ تركیا ل هه‌رێما كوردستانێ وشاندێ دگه‌لدا كر.
دهه‌ڤدیتنه‌كێدا به‌حسێ په‌یوه‌ندیێن ئابورى وبازرگانى وكلتورى دناڤبه‌را هه‌رێما كوردستانێ و وه‌ڵاتێ تركیا وكارتێكرنا په‌ژیكا كورونایێ ل سه‌ر بزاڤا ئابورى وبازرگانى دناڤبه‌را هه‌ردوو ئالیان دا بگشتى هاته كرن.
دته‌وه‌ره‌كێ دن دا به‌حسێ سه‌ره‌دانا سه‌روك وه‌زیرێن عیراقێ وپارێزگارێ دهۆكێ بو ئه‌نقه‌ره وهه‌ڤدیتنێن دگه‌ل سه‌روك كومارێ تركیا وبه‌رپرسێن وى وه‌ڵاتى هاتینه كرن ل سه‌ر ژماره‌كا بابه‌تێن گرێداى ب هه‌ردوو وه‌ڵاتان ڤه نه‌خاسمه ئاسانكرنا هاتن وچونا هاوڵاتیان بو هه‌ردوو وه‌ڵاتان وراكرنا ڤیزێ ب گشتى هاته كرن.
هه‌ردوو لا داكوكى ل سه‌ر خورتكرنا په‌یوه‌ندیێن دوو قولى كر بو وێ یه‌كێ خزمه‌تا خه‌لكێ هه‌ردوو وه‌ڵاتان باشتر بهێته كرن.
