ئه‌ڤرۆ ئێڤارى رۆژا دووشه‌مبى 28/ 11/2022 ل كوچكا مێهڤانداریا به‌رێز د.عه‌لى ته‌ته‌ر پارێزگارێ دهۆكێ پێشوازیا شانده‌كێ بازرگانى وبه‌رهه‌مئینانێ یێ سریانى كلدانى ل ئه‌مریكا ب سه‌روكاتیا به‌رێز (مارتن)كر.
دهه‌ڤدیتنه‌كێدا ب ئاماده‌بوناخاتوون ( لارا) رێڤه‌به‌را ناوچه‌داریا ئه‌لقوشێ به‌حسێ ره‌وشا پێكڤه ژیانا ئولى ونه‌ته‌وه‌یى ل پارێزگه‌ها دهۆكێ وئه‌نجامێن كۆمبوونا ئه‌ڤرو یا شاندى دگه‌ل به‌رێز سه‌روكێ حككومه‌تا هه‌رێما كوردستانێ و به‌رنامێ شاندى یێ وه‌به‌رهێنانێ وبازرگانى ل سنورێ پارێزگه‌هێ ب گشتى هاته كرن.
سه‌روكێ شاندى دیاركر كو شاندێ وان شه‌ش رۆژه سه‌ره‌دانا هه‌رێمێ وجهێن دى كریه وكۆمبوون دگه‌ل لایه‌نێن په‌یوه‌ندیداركرینه نه‌خاسمه دگه‌ل سه‌روكێ حكومه‌تێ وگه‌نگه‌شێن تێر وته‌سه‌ل هاتینه كرن ل دور چاوانیا ئه‌نجامدانا پرۆژێن بازرگانى وبه‌رهه‌مئینانێ ل هه‌رێمێ وگوت : مه‌لبه‌ره بنگه‌هه‌كێ خو ل دهۆكێ ڤه‌كه‌ین وكار وپرۆژێن خو ئه‌نجامده‌ین ودێ هه‌ولده‌ین بازارى بو به‌رهه‌مێن هه‌رێما كوردستانێ ل ئه‌مریكا په‌یداكه‌ین كوئالوگوریا بازرگانى بهێته خورتكرن وپه‌سنا كلتورێ پێكڤه ژیانێ ل ڤێ ده‌ڤه‌رێ كر.
ژلایێ خوڤه پارێزگارێ دهۆكێ خوشحالیا خو ب سه‌ره‌دانێ وبه‌رنامێ شاندى یێ بازرگانى وبه‌رهێنانێ یێ ره‌ڤه‌ندا كلدانى ل ئه‌مریكا دیاركر وپشته‌ڤانیا كارگێریا پارێزگه‌هێ نیشان دا بو هه‌ر هاریكاریه‌كێ.
هه‌روه‌سا ته‌كه‌زكر كو ل دووڤ راسپاردێن سه‌روك بارزانى وسه‌روكێ هه‌رێمێ وسه‌روكێ حكومه‌تا كوردستانێ ئه‌م زۆر گرنگیێ ب كلتورێ پێكڤه ژیانێ ل هه‌رێمێ دده‌ین وئه‌ڤ چه‌نده ب كریار ژى هاتیه چه‌سپاندن وبه‌ڵگه ژى ئه‌وه ئه‌م ب هه‌ڤرا ئیدارا ڤێ هه‌رێمێ دكه‌ین وهه‌ولده‌ین پتر گیانێ پێكڤه ژیانێ وهه‌ڤدوو قه‌بولكرنێ دناڤبه‌را هه‌موو ئول ونه‌ته‌وه‌یان دا خورتر لێ بكه‌ین.
تێ زانین ل مه‌ها نیسانا ئه‌ڤ ساڵه پارێزگارێ دهۆكێ سه‌ره‌دانا ویلایه‌تێن ئێكگرتیێن ئه‌مریكا كربوو وچه‌ندین هه‌ڤدیتن وكۆمبوون و لێكتێگه‌هشتن دگه‌ل بازرگان وبه‌رهه‌مئینه‌رێن چه‌ند ویلایه‌تا ئه‌نجامدابوون.
