ئه‌ڤرو ئێڤارى 6-4-2021ل كوچكا مێهڤانداریا به‌رێز د.على ته‌ته‌ر پارێزگارێ دهۆكێ ب ئاماده‌بونا جه‌هوه‌ر على جێگرێ پارێزگارێ دهۆكێ ب وه‌كاله‌ت پێشوازیا شانده‌كێ كولیژا به‌ره‌ڤانیا نیشتمانى یا عیراقا فیدرال ب سه‌روكاتیا لیوا( احمد عمران عبد) راگرێ کۆلیژێ كر.
دهه‌ڤدیتنه‌كێدا به‌حسێ ره‌وشا سیاسى وپه‌یوه‌ندیێن دوو قولى دناڤبه‌را سازیێن حكومه‌تا هه‌رێما كوردستانێ وحكومه‌تا عیراقا فیدرال دا ب گشتى هاته كرن.
دته‌وه‌ركێ دن دا به‌حسێ رولێ كولیژا به‌ره‌ڤانیا نیشتمانى یا عیراقا فیدرال بو پێگه‌هاندنا ئه‌كادیمى وشاره‌زایێن سیاسى وله‌شكرى لسه‌ر ئاستێ هه‌موو عیراقێ هاته كرن.
پارێزگارێ دهۆكێ خوشحالیا خو ب سه‌ره‌دانێ دیاركر وته‌كه‌زكر كو دڤێت هه‌موو ب هه‌ڤرا كاربكه‌ین بوپێشئێخستن و ئاڤاكرنا عیراقه‌كا دیموكراتى فیدرالى یا ئێكگرتى كو هه‌موو پێكهاته‌یێن وێ یێن ئولى ونه‌ته‌وه‌یى هه‌ست ب هه‌بونا خوو بكه‌ن وسه‌ركه‌فتن بو شاندێ كولیژا به‌ره‌ڤانیا نیشتمانى یا عیراقا فیدرال خواست.
ژلایێ خوڤه سه‌روكێ شاندى سوپاسیا پارێزگارێ دهۆكێ كر بو وێ پێشوازیا لێ هاتیه كرن وته‌كه‌زى ل سه‌ر خورتكرنا په‌یوه‌ندیێن دوو قولى دهه‌موو بواره‌كیدا دناڤبه‌را هه‌رێما كوردستانێ وعیراقا فیدرال دا كر.
هه‌ژى گوتنێ یه كولیژا به‌ره‌ڤانیا نیشتمانى ل سالا 1976 هاتیه دامه‌زراندن وكارێ وێ ئه‌وه ڤه‌كولینێن ستراتیجى یێن له‌شكرى ومه‌ده‌نى ئه‌نجامده‌ت بو پێگه‌هاندن وئاڤاكرنا سه‌ركردێن خودان شیان دهه‌موو بواران دا.
