ئەڤرۆ سپێدێ رۆژا دووشەمبى 12/خزیرانێ /2023 ێ بەرێز د.عەلى تەتەر پارێزگارێ دهۆکێ ب ئامادەبونا بەرێزان عەلى عەونى بەرپرسێ لقێ ئێک وماجد سەید سالح جێگرێ پارێزگارێ دهۆکێ وچەند رێڤەبەرێن پەیوەندیدار بنگەهەکێ ئاگر ڤەمراندنێ یێ پێشکەفتى ل تاخێ بەروشکێ ل رۆژهەلاتێ باژێرێ دهۆکێ ڤەکر.
پارێزگارێ دهۆکێ گەریانەک ل ناڤ پشکێن بنگەهى کر وژنێزیک سەحکرە بەرهەڤیا وى بو کاروبارێن ئاگر ڤەمراندنێ .
پارێزگارێ دهۆکێ دکونگرەکێ رۆژنامەڤانیدا گوت: ئەڤ بنگەهە دێ خزمەتا خەلکێ تاخێن سەرهلدان وبەروشکێ ونزارى وئێتیتى وئەڤریکى کەت ودیارکر کو ب پشتەڤانیا سەروکێ حکومەتا هەرێما کوردستانێ وب رێکا وەزارەتا نافخویى (10) ترومبێلێن نوو بو رێڤەبەریا بەرگریا شارستانى یا پارێزگەهێ هاتینە دابینکرن بو وێ یەکێ کار وئەرکێن رێڤەبەریا ناڤبرى ب رەنگەکێ باشتر بهێنە ئەنجامدان وبلەزتر رودانێن ئاگر بەربونێ بهێنە کونترولکرن.
پارێزگارێ دهۆکێ گرنگیا کارێن خوبەخشا بو پاراستنا ژینگەهێ وئاگرڤەمراندنێ بەرچاڤکر وخواست کو هاولاتى ژى پتر دهشیاربن وبرەنگەکێ بەرپرسیارانە سەرەدەریێ دگەل هەر بویەرەکا ئاگرى بکەن نەخاسمە ئەڤ ساڵە گەلەک پوش وپەلەخ پەیدابویە وهیڤى خاستن ئەڤ ساڵە کێمترین زیان ورودانێن ئاگر بەربونێ پەیداببن.
