ئەڤرۆ رۆژا سێشەمبی رێکەفتی ٩ی تەباخا ٢٠٢٢ێ بەرێز “د.عەلی تەتەر” پارێزگارێ دهۆکێ، پێشوازی ل وەرزشڤانێن تیمێن “تەپاپێی یا لاوان، تەنسا ئەردی، کیک بۆکسینگ، پایسکلسواری، یاریکەرا فۆتسالا قارەمانیا رۆژئاڤا ئاسیا” یێن خۆدان دەستکەفت ل سەر ئاستێ هەرێما کوردستانێ و عیراقێ کر.
درۆنشتنەکێدا ب بەرهەڤبوونا سەرۆکێ یانا دهۆک و راهێنەرێن تیمێن ناڤبری پارێزگارێ دهۆکێ پیرۆزباهی ل هەمی یاریکەرێن یاریێن تاک و کۆم کر و هیڤیا سەرکەفتنێ بۆ خواست. هەروەسا پالپشتیا کارگێریا پارێزگەها دهۆکێ لدویڤ بەرنامێ حکۆمەتا هەرێما کوردستانێ دۆپاتکر و رۆلێ وەرزشێ و وەرزشڤان بلند نرخاند و راگەهاند وەرزش ئێک ژباشترین رێکێن گەهاندنا پەیامێ یە و هیڤیدارین ب گیانەکێ وەرزشی و دەستکەفتێن خۆ خزمەتا گەل و وەلاتێ خۆبکەن.
پاشان دپەیڤەکێدا سەرۆکێ یانا دهۆک: سۆپاسیا پارێزگارێ دهۆکێ و کارگێریا پارێزگەهێ بۆ پشتەڤانیا یانا دهۆک کر و هیڤی خواست ئەڤ پالپشتیە یا بەردەوام بیت.
لدوماهیێ ژلایێ پارێزگارێ دهۆکێ ڤە وەرزشڤانێن ناڤبری هاتنە خەلاتکرن و وێنەیێن بیرهاتنان گرتن.
